या प्रकरणात पोलिसांनी दिलेल्या माहितीनुसार, अनैतिक मानवी वाहतुक प्रतिबंधक कक्षाचे सहायक पोलीस निरीक्षक सरला गाडेकर यांना गोपनीय बातमीदाराने चिकलठाणा पोलीस ठाण्याच्या हद्यीतील झाल्टा फाटा, बिड बायपास येथील हॉटेल अंबिका लॉजींग ॲण्ड बोर्डिंग या ठिकाणी हॉटेल मालक आणि चालक हे स्वत:च्या आर्थिक फायद्या करिता महिलांच्या आर्थिक परिस्थीतीचा तसेच त्यांचे अशिक्षीतपणाचे आणि असहाय्यतेचा गैरफायदा घेवून दहेव्यापार करीत असल्याची माहिती मिळाली. या माहितीवरून सहायक पोलीस निरीक्षक सरला गाडेकर, पोलिसउपनिरीक्षक स्वप्निल नरवडे, विनोद भालेराव तसेच अनैतिक मानवी व्यापार प्रतिबंधक पथक (एएचटीयू) यांच्या पथकाने ४ जुलै रोजी हॉटेल अंबिका लॉजींग ॲण्ड बोर्डिंग च्या परिसरात सापळा लावला.

एक डमी ग्राहकांस हॉटेल अंबिका लॉजींग ॲण्ड बोर्डिंग येथे पाठवले असता तेथे हॉटेल मॅनेजर सुभाष फकिरा राठोड याला डमी ग्राहक याने भेटुन शरिरीक संबधाकरिता महिलेची मागणी केली. सदर मॅनेजरने महिला पुरविण्यास होकार दिला. डमी ग्राहकाकडुन एक हजार रूपये स्वीकारून त्याला हॉटेलच्या पहिल्या मजल्यावरिल रुम क्रमांक १०६ मध्ये जाण्यास सांगितले. डमी ग्राहक हा लॉजच्या पहिल्या मजल्यावरिल रूम नं १०६ मध्ये जावून थांबला. तिथे मॅनेजर सुभाष राठोड याने एक महिलेला आणून सोडले. डमी ग्राहकाने रुमच्या गॅलरीमध्ये येवून बाहेर लपून बसलेल्या पथकाला इशारा करताच पथकाने छापा मारून पीडित महिलेची सुटका केली.

याचप्रमाणे हॉटेलच्या इतर खोल्यांची झडती घेतली असता तेथील इतर खोल्यात लपवून ठेवलेल्या छत्रपती संभाजीनगर शहरतील तीन पीडिता अशा एकुण 4 पिडीतांची सुटका करण्यात आली. या ठिकाणाहून पोलिसांनी मोबाईल फोन, निरोध पाकिट असा एकूण 57 हजार 990 रूपयांचा मुद्देमाल जप्त केला. या प्रकरणी हॉटेलचा मॅनेजर सुभाष फकिरा राठोड आणि हॉटेलचे मालक विश्वास शिंदे या दोघांच्या विरोधात चिकलठाणा पोलीस ठाण्यात गुन्हा दाखल करण्यात आला आहे.

ही कारवाई पोलीस अधिक्षक डॉ. विनयकुमार राठोड, अतिरिक्त पोलीस अधिक्षक अन्नपूर्णा सिंह यांचे मार्गदर्शनाखाली उपविभागीय पोलीस अधिकारी पुजा नागरे, सहायक पोलीस निरीक्षक सरला गाडेकर, पोलीस उपनिरीक्षक स्वप्निल नरवडे, पोलीस उपनिरीक्षक विनोद भालेराव, पोलीस अंमलदार दिलीप साळवे, कपिल बनकर, ईशाद पठाण, सपना चरवंडे, भाग्यश्री चव्हाण, संदीप थोरात यांनी केली आहे.