३० हजार रूपये लाच मागितली

या प्रकरणातील तक्रारदाराने मुलाच्या पुढील शिक्षणासाठी अनुसूचीत जातीची जात पडताळणी होऊन वैधता प्रमाणपत्र मिळण्यासाठी जिल्हा जात प्रमाणपत्र पडताळणी समिती यांच्याकडे ऑनलाइन व ऑफलाइन अर्ज केल होता. मात्र, तो काही तांत्रिक कारणास्तव नामंजूर करण्यात आला. संशयित आरोपी सुजाता पोहरे यांनी हे काम करून देण्यासाठी तक्रारदाराकडे २० हजार रूपये टोकन रक्कम मागणी केली. तक्रारदाराने २६ जून रोजी लाचलुचपत प्रतिबंधक विभाग येथे तक्रार दिली. पडताळणी दरम्यान, जात वैधता प्रमाणपत्र मिळवून देण्याकरीता एकूण ३० हजार रूपये लाचेची मागणी केली.
Jalgaon Crime : दोघांच्याही पदरात तीन मुलं, तरी ‘लग्नानंतर झालंच प्रेम’; विवाहित प्रेमीयुगलाने आयुष्य संपवलं, महाराष्ट्र हादरला

१५ हजार रूपये पंचासमक्ष स्वतः स्विकारले

तडजोडअंती सुरूवातीस १५ हजार रूपये व उर्वरीत रक्कम जात पडताळणी प्रमाणपत्राचे काम झाल्यानंतर द्यावे लागतील असे म्हणून सुजाता पोहरेने लाचेची मागणी केली. दरम्यान लाचलुचपत प्रतिबंध विभागाने सापळा लावला. समाज कल्याण कार्यालय परिसरातील डाॅ. बाबासाहेब आंबेडकर संशोधन व प्रशिक्षण संस्था (BARTI) यांच्या कक्षेत सुजाता पोहरेने तक्रारदाराकडून लाच रक्कम १५ हजार रूपये पंचासमक्ष स्वतः स्विकारले. एसीबीच्या पथकाने त्यांना रंगेहाथ पकडले. याप्रकरणी विमानतळ पोलिस ठाण्यात भ्रष्टाचार प्रतिबंध अधिनियम अन्वये गुन्हा दाखल करण्याची प्रक्रिया सुरू असून त्यांना ताब्यात घेण्यात आले आहे. गुन्हा दाखल झाल्यानंतर त्यांना अटक करण्यात येईल, असे एसीबीकडून कळविण्यात आले आहे.
या कारवाई नंतर लाच लुचपत विभागाच्या पथकाकडून महिला आरोपीची अंग झडती घेण्यात आली. या अंग झडतीमध्ये एक मोबाईल व रोख रक्कम ५० रूपये मिळून आले. मोबाईल तपासकामी ताब्यात घेण्यात आला आहे. तसेच सुजाता पोहरे यांच्या हडको येथील राहत्या घराची झडती उशिरा पर्यंत करण्यात येत होती.