जुईनगरच्या सेक्टर २४ मधील घरकुल सोसायटीमध्ये राहणारे ५५ वर्षीय अनुप कुमार नायर एकटेपणा, मानसिक ताण आणि कौटुंबिक त्रासाचा सामना करत आहेत. ताणतणाव वाढल्यानं त्यांनी संपूर्ण जगाशी असलेला संपर्क तोडला. ते ऑनलाईन जेवण मागून आला दिवस ढकलत होते. त्यांच्या घरात कोणतंही फर्निचर नव्हतं. त्यांचं पूर्ण घर खराब दिसायचं. संपूर्ण घरात कचरा साठला होता.
विधात्या, इतका कठोर का झालास? 2 वर्षांत 2 लेकींचा मृत्यू, दुर्दैवी योगायोग पाहून बाप खचला
नायर यांच्या फ्लॅटमधील परिस्थितीची माहिती एका तरुणाला मिळाली. त्यानं सील संघटनेशी संपर्क साधला आणि त्यांना संपूर्ण माहिती दिली. यानंतर सील संस्थेचे कार्यकर्ते, स्वयंसेवक त्यांच्या घरी पोहोचले. त्यांनी नायर यांना गंभीर अवस्थेत पाहिलं. त्यांच्या पायाला गंभीर स्वरुपाची इजा झाली होती. संसर्ग अधिक प्रमाणात होता. त्यामुळे नायर यांच्यावर तातडीनं उपचार सुरु करण्यात आले.

नायर त्यांच्या फ्लॅटचं दार फारसं उघडायचे नाहीत. इतकंच काय ते कचरादेखील आतच ठेवायचे, अशी माहिती सोसायटीचे अध्यक्ष विजय शिबे यांनी दिली. स्थानिक लोक त्यांना वेळोवेळी मदत करायचे. यामध्ये आर्थिक मदतीचाही समावेश आहे. आम्हीदेखील त्यांना अनेकदा मदत केली, असं शिबे यांनी सांगितलं.
भारत-पाक सीमेवर 2 बॉडी आढळल्या; शेजारीच पाकिस्तानी सिम अन् ID; तपास यंत्रणांना वेगळाच संशय
सध्याच्या घडीला नायर हे पनवेलच्या सील आश्रमात आहेत. तिथे त्यांच्यावर उपचार सुरु आहेत. त्यांच्या प्रकृतीत सकारात्मक बदल दिसू लागले असल्याची माहिती संस्थेनं दिली. आई, वडील आणि भावाच्या निधनामुळे एकटेपणा जाणवू लागला. त्यातच आरोग्याच्या समस्या उद्भवल्या. त्यामुळे आपण स्वत:ला फ्लॅटमध्ये कोंडून घेतल्याचं नायर यांनी सांगितलं. सील संस्थेमुळे नायर यांच्या शारीरिक आणि मानसिक स्थितीत सकारात्मक बदल होत आहेत. त्यांनी मानसिक स्थिती स्थिर होण्यास मदत होत आहे.