नाद करती काय, यावचं लागतंय या टॅगलाइनमुळे सोशल मीडियावर चर्चेत आलेल्या…तुळजापूरजवळील भाग्यश्री हॉटेलवर पुन्हा एकदा गोंधळ झाल्याची घटना समोर आली आहे. यावेळी हॉटेलमधील कामगार आणि काही तरुणांमध्ये जोरदार हाणामारी झाली. या घटनेचा सीसीटीव्ही व्हिडिओ सध्या सोशल मीडियावर जोरदार व्हायरल होत आहे. विशेष म्हणजे हॉटेल भाग्यश्रीवरील राड्याची ही तिसरी-चौथी वेळ आहे. व्हायरल व्हिडिओमध्ये हॉटेलमधील कामगार आणि तरुण एकमेकांना…शिवीगाळ करताना आणि मारहाण करताना दिसत आहेत. काही कारणांवरुन…कामगार आणि तरूणाचा वाद झाला. त्यानंतर दोन्ही गटांमध्ये तुंबळ हाणामारी…झाल्याची माहिती समोर आली आहे. या घटनेमुळे हॉटेल पुन्हा वादाच्या भोवऱ्यात सापडलंय.