सुरेशचे आई-वडील आषाढी एकादशीसाठी पंढरपूरला दिंडीत गेले होते. ते गेवराई तालुक्यात पोहोचले असताना, त्यांना मुलाच्या अपहरणाची बातमी मिळाली. ते तातडीने घरी परतले. मात्र, घरी आल्यावर त्यांना मुलाचा मृतदेह पाहून मोठा धक्का बसला. कुटुंबीयांनी एकच टाहो फोडला. गावकऱ्यांचेही डोळे पाणावले. या घटनेमुळे गावात शोककळा पसरली आहे. पोलिसांनी आरोपींचा शोध सुरू केला आहे. लवकरच आरोपींना अटक करण्यात येईल, असे आश्वासन पोलिसांनी गावकऱ्यांना दिले आहे. या घटनेमुळे अवैध वाळू उपसा आणि गुन्हेगारीगारीचा प्रश्न पुन्हा एकदा ऐरणीवर आला आहे. प्रशासनाने यावर कठोर कारवाई करण्याची मागणी जोर धरू लागली आहे.