इतक्या लांब जाऊन पार्टी का?

जिल्ह्यात ग्रामसेवकांच्या बदली झाल्यानंतर काही ग्रामसेवकांनी गावातील काही पदाधिकाऱ्यांना पार्टी देण्याचे नियोजन मोठ्या प्रमाणात होत असल्याचे दिसत आहे. अशातच हे सेलिब्रेशन जीवावर बेतले आहे. शिपायाच्या मृत्यूमुळे संशयाचे वारे वाहू लागले असून, ग्रामसेवकाने गावापासून इतक्या लांब जाऊन पार्टी का दिली? असा प्रश्न उपस्थित होऊ लागला आहे.
नियम फक्त सर्वसामान्यांसाठीच? पंढरपूरमध्ये VIP दर्शनावर बंदी असताना शिंदेंच्या आमदाराकडून सोय करण्याची मागणी

१० फूट उंच कठड्यावरून खाली पडून मृत्यू

याबाबत पोलिसांनी दिलेल्या माहितीनुसार, जावळी तालुक्यातील कोलेवाडी येथील ग्रामसेवकाची बदली झाल्याने स्वतः ग्रामसेवकाने सरपंच, सदस्य व शिपाई यांना पार्टी देण्याचे ठरले. पार्टीच्या निमित्ताने कोलेवाडी ग्रामपंचायतीतील चार जण पार्टीसाठी तापोळ्याला गेले होते. मात्र, या पार्टीदरम्यान ग्रामपंचायतीचा शिपायाने अति मद्यप्राशन केले होते. अशा स्थितीत तो १० फूट उंच कठड्यावरून खाली पडला.
Crime News : मामाच्या लग्नासाठी गावी आला, पण आयफोनने घात केला; तरुणाला संपवलं, कारण हैराण करणारं
या अपघातात शिपायाच्या डोक्याला गंभीर दुखापत झाल्याने तो जागीच मृत्युमुखी पडला. अतिशय उत्साहपूर्ण वातावरणात हे सेलिब्रेशन सुरू असताना काही तासातच ही घटना घडल्याने ग्रामसेवक सरपंच आणि सदस्यांचे धाबे दणाणले आहेत. नेमकी ही घटना कशामुळे घडली, हे मात्र अद्याप समजले नाही.

पार्टीवेळी मृत शिपाई अन्य तिघांबरोबर जेवण्यास नव्हता

महाबळेश्वर प्राथमिक आरोग्य केंद्रात शिपायाचे शवविच्छेदन करण्यात आले आहे. शवविच्छेदन अहवाल समोर आल्यानंतर नेमका मृत्यू कशामुळे झाला हे समजेल. तत्पूर्वी शिपायाला दमा व बीपीचा त्रास असल्याचे त्यांच्या नातेवाईकांकडून समजते. पार्टीवेळी हा शिपाई अन्य तिघांबरोबर जेवण्यास नव्हता. सरपंच, ग्रामसेवक व सदस्य हे जेवून आल्यानंतर शिपाई उंच कठड्यावरून पडल्याचे यांच्या लक्षात आले. त्यांनी तत्काळ महाबळेश्वर येथील प्राथमिक आरोग्य केंद्रात दाखल केले. मात्र, तत्पूर्वी त्यांचा मृत्यू झाला होता. या घटनेची नोंद महाबळेश्वर पोलीस ठाण्यात अपघाती मृत्यू म्हणून नोंद झाली आहे. पाचगणी पोलीस ठाण्याचे सहाय्यक पोलीस निरीक्षक दिलीप पवार या घटनेचा पुढील तपास करत आहेत.