पुण्यातील एका झोपडपट्टी धारकला अर्वाच भाषेत शिविगाळ करत, त्याला धमकी देताना एक व्हिडिओ सद्या सोशियल मीडियावर व्हयरल होत आहे. काल मोहल्ला कमिटीच्या बैठकीत मोठा वाद रंगला होता. त्यामध्ये शिवसेना शिंदे गटाचे उद्धव कांबळे आणि सुभाष जगताप यांच्या जोरदार वाद झाला होता, हा व्हिडिओ चर्चेत असताना सुभाष जगताप यांचा आणखी एक व्हिडिओ व्हयरल झाला आहे. काही वर्ष पूर्वी सुभाष जगताप यांनी जिल्हापरिषदच्या महिलेला घाणेरड्या भाषेत शिवीगाळ केली होती त्याचा विडिओ व्हयरल झाला होता, आणि आज एक व्हिडिओ पुन्हा व्हयरल होत आहे.
‘मराठी भाषा ही आपली अस्मिता’, ठाकरे बंधूंच्या मोर्चाची ताकद वाढणार; ‘या’ संघटनेकडून पाठिंबा जाहीर
झोपडी दुरूस्ती करणाऱ्या झोपडीधारकाला राष्ट्रवादी काँग्रेस पार्टीचे शहर अध्यक्ष या शिवीगाळ करताना, धमक्या देताना दिसत आहे. सुभाष जगताप यांच्या पुर्वपरवानगी विना झोपडी दुरूस्ती करण्याचे काम केल्याचा राग मनात धरून झोपडीधारकाला शिवीगाळ मारहाण करत धमकी दिली आहे. झोपडीधारकाला काम थांबवण्या करिता सांगितले होते पण त्यांनी काम चालूच ठेवले यामुळे स्वतः सुभाष जगताप व त्याच्या कार्यकर्त्यानी मारहाण केली व धमकावले शिवीगाळ केली आहे. आता या बाबत राष्ट्रवादी काँग्रेसचे वरिष्ठ नेते सुभाष जगतापवर कारवाई करणार का? असा प्रश्न उपस्थित केला जात आहे. याआधीही त्यांच्यावर जिल्हा परिषदच्या एका महिलेला शिवीगाळ केली होती.
Ajit Pawar : माळेगावच्या निवडणुकीत मुख्यमंत्री देवेंद्र फडणवीस यांनी मध्यस्थी केली, अजित पवारांचा गौप्यस्फोट

मोहल्ला कमिटीच्या बैठकीदरम्यान वाद

धनकवडी-सहकारनगर क्षेत्रीय कार्यालयात आयोजित मोहल्ला कमिटीच्या बैठकीदरम्यान राष्ट्रवादी काँग्रेसचे पुणे शहराध्यक्ष सुभाष जगताप आणि शिवसेना (शिंदे गट) चे पदाधिकारी उद्धव कांबळे यांच्यात जोरदार वादावादी झाली. नागरिकांच्या समस्या ऐकण्यासाठी बोलावलेल्या या बैठकीत राजकीय कुरघोडी आणि दोन सत्ताधारी पक्षाच्या पदाधिकाऱ्यात वाद झाल्याने हा चर्चेचा विषय बनल्याचे पाहायला मिळाले. बैठकीदरम्यान स्थानिक पायाभूत सुविधा, कचरा व्यवस्थापन आणि अनधिकृत बांधकामासंदर्भात चर्चा सुरू असताना पद्मावती परिसरातील एका सोसायटीच्या महिला पदाधिकाऱ्याने प्रश्न उपस्थित केला की, सोसायटीच्या बाजूला झोपडपट्टी असून अवैध धंदे चालतात ते बंद करण्यात यावेत. यामध्ये शिंदे गटाचे पदाधिकारी उद्धव कांबळे यांनी हस्तक्षेप केला असता सुभाष जगताप यांनी बोलण्यास मज्जाव केला. कांबळे यांना काही काळानंतर बोलण्याची संधी मिळाली तेव्हा ही जागा जगताप यांचीच होती अशा प्रकारचा युक्तिवाद त्यांनी केल्यावर हा वाद उफाळला आणि शाब्दिक चकमक उडाली.