मराठीच्या मुद्यावरून राज आणि उद्धव ठाकरे या दोन्ही बंधूंचं मनोमिलन झालं आहे. मराठीसाठी दोन्ही ठाकरे एकत्र येऊन मुंबईत एकत्र मोर्चा काढणार आहेत. यावर मनसेतून शिवसेना ठाकरे गटात आलेल्या वसंत मोरेंनी आपल्या भावना व्यक्त केल्या. दोन्ही भाऊ एकत्र येत असल्याने वसंत मोरे यांनी आनंद व्यक्त केला. ठाकरे बंधूंची ही दिंडी अबाधित रहावी यासाठी पांडुरंगाकडे प्रार्थना करणार असल्याचं त्यांनी म्हटलं.