शिक्षणमंत्र्यांच्या बैठकीत राज ठाकरे यांनी तबला आणि स्विमिंग यांसारख्या विषयांना ‘स्कोअरिंग सब्जेक्ट’ म्हणून मान्यता देण्याचा विचार मांडला होता. मग हिंदी भाषेलाच का प्राधान्य दिले जात आहे? असा सवाल ठाकरेंनी विचारला असल्याचं अविनाश जाधव यांनी सांगितलं. आम्हाला अशा कला क्षेत्रातली एखादी भाषा द्या. हिंदी का..? तुम्ही या सर्व गोष्टी करून हिंदी लादण्याचा प्रयत्न करत आहात. मनसे मराठी भाषेच्या संरक्षणासाठी कटिबद्ध आहे आणि या दिशेने आवश्यक ती पाऊले उचलण्यास तयार आहे, असल्याचंही अविनाश जाधव म्हणाले.
Maharahstra Politics : हिंदीसक्ती विरोधात भाजपमध्ये नाराजी? पहिला राजीनामा पडला, मनसेचा दावा, राज ठाकरेंना पाठिंबा

राज ठाकरे राऊतांना काय म्हणाले?

राज ठाकरे यांनी शिवसेना नेते संजय राऊत यांना फोन केला. मराठी माणसाच्या हितासाठी दोन मोर्चे काढण्याऐवजी एकच मोठा मोर्चा काढण्याचा विचार त्यांनी मांडला. या मोर्चाच्या माध्यमातून मराठी माणसाचा आवाज दिल्लीपर्यंत पोहोचवण्याचा निर्धार आहे. यापूर्वी महाराष्ट्रात असा भव्य मोर्चा कधीही झाला नव्हता, असे जाधव यांनी सांगितले. अनेक कलाकार आणि साहित्यिकांनी 5 तारखेच्या मोर्चात सहभागी होण्याची इच्छा दर्शवली आहे. या मोर्चाच्या आयोजनामागे कोणतीही राजकीय भूमिका नाही, तर मराठी भाषेचा आदर जपण्याचा उद्देश असल्याचं जाधव म्हणाले.
Three Language Policy : तिसऱ्या भाषेचे शिक्षण मौखिक, शालेय शिक्षण मंत्र्यांची घोषणा; पहिली, दुसरीपासून त्रिभाषा सूत्र लागू करण्याची घाई?
जाधव यांनी सांगितले की, त्यांचे चौथीमध्ये शिकणारे मुलगा मराठी आणि हिंदी भाषा एकत्र करून बोलतो. अनेक मुलांसोबत असे घडत आहे. लहान मुले बोलताना पहिले वाक्य मराठीत आणि दुसरे वाक्य हिंदीत बोलतात. त्यामुळे त्यांच्या मेंदूवर परिणाम होत आहे, असे एका पदाधिकाऱ्याने सांगितले. या सरकारला हे समजत नाही. त्यांना दिल्लीतील मनसुबे टिकवायचे आहेत. त्यामुळे हे सर्व सुरू आहे. मनसे आणि इतर पक्ष याला विरोध करतील. मोर्चा ही फक्त पहिली पायरी आहे. यानंतर होणाऱ्या विरोधाला सामोरे जाण्याची तयारी सरकारने ठेवावी, असा इशारा जाधव यांनी दिला.