याबाबत पोलिसांनी सांगितले, की सातारा तालुक्यातील एका गावातील 23 वर्षीय युवती पळून गेली होती. पोटचा गोळा दिसत नसल्याने कुटुंबीय सैरभैर झाले. शोध घेतल्यानंतरही तिचा रात्रभर पत्ता लागला नाही. ती एका युवकासोबत पळून गेल्याची चर्चा सुरू झाल्यानंतर आईचे मन तिला खायला उठले. या नैराश्यातूनच जन्मदात्रीने पहाटे विषारी औषध प्राशन केले.

कुटुंबीयांनी उपचारासाठी आईला दाखल केले. एकीकडे आईची जीवन मरणाची लढाई सुरू होती. तोपर्यंत दुसरीकडे पळून गेलेली युवती सातारा तालुका पोलिस ठाण्यात नवविवाहित पतीसोबत हजर झाली.

…आणि आईने प्राण सोडले

पोलिसांनी बेपत्ता झाल्याची नोंद केलेली नव्हती. जोडपं हजर झाल्याने पोलिसांनी मुलीच्या कुटुंबियांना फोन केला. त्यावर मुलीच्या आईने विष प्यायल्याने ‘आम्ही कोणीही पोलिस ठाण्यात येऊ शकत नाही,’ असे कळवले. यामुळे मुलगी पतीसोबत तेथून निघून गेली. तर आईने रुग्णालयात जगात निरोप घेतल्याची हृदयद्रावक घटना घडली.
Pune Crime : दुसऱ्या लग्नानंतरही दोघांशी अनैतिक संबंध, दुसऱ्या बॉयफ्रेण्डने नको त्या अवस्थेत पाहिलं अन् संपवलं, पुण्यात डोक्याला मुंग्या आणणारी स्टोरी
सातारा तालुका पोलिस ठाण्यात महिलेच्या मृत्यूची नोंद झाल्यानंतर पोलिसांनी माहिती घेतली. युवतीचे मुलासोबत प्रेम होते. सुमारे सहा महिन्यांपूर्वी तिने मुलासोबत विवाह केला आहे. अशातच ती पळून गेल्याने आईला अतीव दु:ख झाले. कौटुंबिक कारणामुळे महिलेला नैराश्य आले होते.

मुलगी घरातून पळून गेल्याने तिच्या आईने मनाला खूप लावून घेतले होते. दोन दिवसांतच मुलगी परत पोलिस ठाण्यात आली. मात्र, येताना दोघे लग्न करून आले. हे जेव्हा मुलीच्या आईला समजले. तेव्हा तिला जबर मानसिक धक्का बसला. मुलीला पाहण्यासाठीही आई पोलिस ठाण्यात आली नाही.
Nashik News : मुंबईहून नाशिकला जाताना काचेवर पाणी उडालं, भरधाव मर्सिडीज उलटली, सुप्रसिद्ध बिल्डरचा मृत्यू
घरातले लोक पोलिस ठाण्यातून घरी जाईपर्यंत मुलीच्या आईने नैराश्यातून विषारी औषध प्राशन केले होते. तिला तातडीने साताऱ्यातील एका खासगी दवाखान्यात दाखल करण्यात आले. मात्र, मुलीच्या आईचा उपचारादरम्यान मृत्यू झाला.