Solapur Akkalkot Factory Fire: सोलापूरच्या अक्कलकोट येथील टॉवेल कारखान्याला लागलेल्या भीषण आगीत आठ जणांचा होरपळून मृत्यू झाला. यामध्ये एका दीड वर्षांच्या चिमुकल्याचाही समावेश होता. जेव्हा बचाव पथक त्यांच्यापर्यंत पोहोचलं तेव्हा हे सर्व मृत झालेले होते.
कारखान्याच्या बाहेर थांबलेले लोक युसुफसाठी प्रार्थना करत होते. तब्बल पंधरा तासांच्या अथक प्रयत्नांनंतर बचाव पथक मंसुरी कुटुंबापर्यंत पोहोचले. परंतू तोपर्यंत खूप उशीर झालेला होता. दीड वर्षीय युसुफ आई शिफाच्या कुशीत ताठरलेल्या अवस्थेत निपचित पडला होता. बचाव कार्यामधील माजी नगरसेवक बाबा मिस्त्री, जहांगीर शेख(उर्फ लादेन) यांनी ताबडतोब बाळाला कुशीत घेऊन बघितले परंतु दीड वर्षीय युसुफ, आई शिफाच्या कुशीत गतप्राण झाला होता. काळीज फाटणारं हे दृश्य पाहून बचाव कार्यामधील सर्वांचे डोळे पाणावले होते.
मास्टर बेडरूममधील बाथरूम मध्ये लपले
रविवारी (18 मे) पहाटे साडेतीनच्या सुमारास अक्कलकोट रोडवर असलेल्या एमआयडीसीत सेंट्रल इंडस्ट्रीज या टॉवेल कारखान्याला आग लागली होती. उस्मान मंसुरी (वय 77 वर्ष), नातू अनस मंसुरी (वय 25 वर्ष), शिफा मंसुरी (वय 20 वर्षे), युसुफ मंसुरी(वय दीड वर्ष) कारखान्यात असलेल्या बंगल्यात गाढ झोपते होते. खाली कारखाना गोडावूनला आग, तर वर बंगल्याला अशी परिस्थिती होती. पहाटे साडेतीनच्या सुमारास आग लागली, त्यावेळी अनस मंसुरीने कुटुंबाला वाचवण्यासाठी आटोकाट प्रयत्न केले. पण, आगीने रौद्ररूप धारण केल्याने बंगल्याच्या खाली उतरताच आले नाही. अखेर मंसुरी कुटुंबाने मास्टर बेडरूममधील बाथरूममध्ये जाऊन लपण्याचा निर्णय घेतला.
Solapur Fire: दोन्ही पोरं मदरशात होती म्हणून वाचली, हिनाचा गुदमरून मृत्यू; सोलापूर आगीने आईला हिरावलं
पहाटे साडेपाचपर्यंत संपर्कात होते, मात्र त्यानंतर फोन उचलायच बंद झालं
शिफा मंसुरी ही मूळची सोलापूर शहरातील होती. सोलापूरमधील एका काझी परिवारातील शिफा आणि तिच्या पतीने माहेरी फोन करुन आम्हाला वाचवा आम्ही आगीत अडकलो आहोत, अशी आर्त हाक दिली होती. पहाटे साडेपाच वाजेपर्यंत शिफा आणि अनस संपर्कात होते. त्यानंतर मात्र त्यांनी फोन उचलायचा बंद केलं, असं शिफाचे वडील अंत्यविधीवेळी ढसाढसा रडत सांगत होते.
Solapur Fire: बाळाभोवती मिठीचं कडं, जीव वाचवण्यासाठी आईची शर्थ, पण दीड वर्षांच्या युसुफची कुशीतच चिरनिद्रा, सोलापूर आगीतील हृदयद्रावक कहाणी
दीड वर्षीय युसुफ आईच्या कुशीत मृतावस्थेत
टॉवेल कारखान्यासमोर उपस्थित असलेल्या सर्वांना एकच चिंता लागली होती, दीड वर्षीय युसुफची. त्या बाळाला वाचवा साहेब, अशा हाका बचाव पथकाला दिल्या जात होत्या. आगीने चोहोबाजूंनी घेरलं होतं, बचाव करणाऱ्यांना आत प्रवेश करता येत नव्हतं. कारखान्यामधील तापमान जवळपास एक हजार सेल्सिअस झाले होते. फायर फायटरमधील टीमला देखील आत प्रवेश करता येत नव्हते. पंधरा तासांच्या अथक प्रयत्नांनंतर बचाव पथक संध्याकाळी साडेचार वाजण्याच्या सुमारास युसुफपर्यंत पोहोचले. मात्र, दीड वर्षीय चिमुकला युसुफ आईच्या कुशीत भाजलेल्या अवस्थेत मृतावस्थेत निपचित होता. आई शिफाने युसुफला चटके बसू नये यासाठी त्याला कपड्यने गुंडाळलं होतं. मात्र, आई शिफा आणि दीड वर्षीय बाळ युसुफ, वडील अनस, आजोबा उस्मान सर्वजण बाथरूममध्ये मृत झाले होते.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा