बहिरट यांनी दोन वेळा शिवाजीनगर विधानसभा मतदारसंघात काँग्रेसकडून निवडणूक लढवली आहे. या दोन्ही निवडणुकीत त्यांचा कमी मतांनी पराभव झाला. मात्र, शिवाजीनगर गावठाण परिसरातून ते महापालिकेवर नगरसेवक म्हणून निवडून गेले आहेत. शिवाजीनगर विधानसभा मतदारसंघात त्यांचा चांगला संपर्क आहे. या पार्श्वभूमीवर बहिरट यांचे राष्ट्रवादी काँग्रेसमध्ये चांगलेच स्वागत होईल, असे चित्र सध्या दिसते आहे. व्यावसायिक अभय मांढरे आणि त्यांनी पवार यांची शनिवारी भेट घेऊन आगामी राजकीय वाटचालीबाबत चर्चा केली असल्याचे समजते.
Devendra Fadnavis : आपले 105 तर निवडून आणायचेच, थोडक्यात गेलेल्या जागांवरही तयारीला लागा, फडणवीसांच्या बैठकीची इन्साईड स्टोरी
काँग्रेसचे माजी आमदार रवींद्र धंगेकर यांनी नुकताच काँग्रेसला रामराम ठोकून शिवसेनेच प्रवेश केला आहे. काँग्रेसचे आणखी काही माजी नगरसेवक महायुतीच्या संपर्कात आहेत. आगामी महापालिकेच्या निवडणुकीच्या पार्श्वभूमीवर मोठे फेरबदल अपेक्षित आहेत. मुख्यमंत्री देवेंद्र फडणवीस यांनी एकीकडे स्थानिक स्वराज्य संस्थांच्या निवडणुका ‘महायुती’ एकत्र लढणार असल्याची घोषणा केली असली, तरी महायुतीच्या घटक पक्षांकडून आपापल्या पक्षातील मातब्बरांची संख्या वाढविण्यार भर देण्यात येत असल्याचे चित्र आहे. या पार्श्वभूमीवर पुणे महापालिकेत ‘महायुती’ एकत्र लढणार का, असा प्रश्न उपस्थित झाला आहे.

गेल्या विधानसभा निवडणुकीत काँग्रेसच्या कार्यकर्त्यांकडून बहिरट यांना फारसा पाठिंबा मिळाला नसल्याचे चित्र दिसले होते. असाच काहीसा फटका धंगेकर यांनाही बसला आहे. काँग्रेसमधील अंतर्गत वाद स्थानिक स्वराज्य संस्थांच्या निवडणुकांच्या पार्श्वभूमीवर पक्षाला त्रासदायक ठरण्याची चिन्हे दिसू लागली आहेत. बहिरट यांचा येत्या आठवडाभरात राष्ट्रवादी काँग्रेसमध्ये प्रवेश होणार असल्याचे समजते. पवार पुढील आठवड्यात पुण्यात आल्यानंतर एक छोटेखानी कार्यक्रम घेतला जाणार असल्याचा दावा सूत्रांनी केला आहे.
Sanjay Raut : ईडीच्या कारवाईआधी अमित शाहांना फोन, संजय राऊतांचा पुस्तकातून दावा; मला अटक करा, पण माझ्यासाठी…

दत्ता बहिरट काय म्हणाले?

उपमुख्यमंत्री अजित पवार आमच्या एका नातेवाईकांच्या घरी आले होते. या वेळी त्यांची भेट झाली. त्यात राजकीय चर्चा झालेली नाही. ही एक कौटुंबिक भेट होती, अशी प्रतिक्रिया दत्ता बहिरट यांनी दिली.