वडील शेती बरोबर शेळ्या देखील सांभाळीत असत. त्यांचा काही शेळ्या होत्या ते शेळ्या मागे जात असे. अशा प्रचंड मेहनतीचे फळ आज त्यांना पाहायला मिळाले आहे. महापुरेंची मोठी मुलगी प्रियंका जी स्पर्धा परीक्षा देत होती, प्रशांत महापुरे जो पॉलिटेक्निक करतो आणि दुसरी मुलगी प्रतीक्षा ही ९वीत शिकते. परमेश्वर महापुरे यांनी आपल्या मुलांचे संगोपन साधारणपणे केले. पोटाला चिमटा देत प्रियंकाचे प्राथमिक शिक्षण गावातच असलेल्या जिल्हा परिषद शाळेतच झाले आणि माध्यमिक देखील गावातच गुरुदेव विद्यामंदिर येथे झाले. मुलगी आणि मुलगा याचा कोणताही भेदभाव न बाळगता आपल्या सर्व मुलांना चांगले शिकवले.

प्रियांका लहानपणापासून हुशार होती आणि तिने जिद्द बाळगून आतापर्यंतच्या परिक्षांत यश प्राप्त केले. मी कधीतरी अधिकारी होईल आणि आपल्या आई वडिलांचे स्वप्न साकार करेल, हेच उराशी बाळगून तिने पुढील वाटचाल सुरु ठेवली. तिला १० वी मध्ये 82.40% गुण मिळवले आणि ITI मध्ये 93% गुण प्राप्त केले. परंतु शाळेत असताना काही वेळा असे काही प्रसंग आले होते की, मला शाळा सोडण्याची वेळ आली होती. मला वाटतं पण नव्हते की, मी पुढे शाळा शिकेल. परंतु माझ्या कुटुंबांनी मला खूप मोठी साथ दिली त्यामुळे माझे शिक्षण झाले. आणि आज MSCBमध्ये आज विद्युत सहाय्यक पदी निवड झाली आहे.

प्रियंकाचे वडील म्हणतात, मी तिचे शिक्षण पूर्ण केले. त्यामुळे मला आज खूप आनंद झाला आहे. परिस्थितीनुसार मी मुलांना शिकवलं आहे. मला वाटले तिने ITI करावे त्यानंतर काहीतरी काम लागते, नोकरी लवकर लागते म्हणून त्यांनी तिला परिस्थितीनुसार शिकवले. मी शेती केली, शेळ्या सांभाळल्या आहेत हे सगळे करीत असताना मुलांना शिकवले. ज्याचे आज चीज झाले आहे.

प्रियंकाच्या आईनेही तिच्या यशाबद्दल समाधान व्यक्त केले आहे. ‘आज मला खूप आनंद झाला. चांगले वाटतेय. आमचे नाव मोठे केले नाव कमावले आहे. मी तिला नेहमी सांगत असे की, आपल्या वडिलांचे शिक्षण कमी आहे. त्यामुळे तिने चांगले शिकले पाहिजे, असे मला नेहमी वाटायचे त्यामुळे ती चांगली शिकली आणि आपचे नाव मोठे केले, त्याचा आम्हाला अभिमान आहे.’