Vasai Virar Crime : वसई-विरारमध्ये सीताराम गुप्ता, विवेक तिवारी आणि अनिल गुप्ता यांच्यासह तब्ब्ल 13 ठिकाणी छापे मारून चौकशी आणि तपास केला होता.
नालासोपारा येथील अनधिकृत 41 इमारती घोटाळा प्रकरणी ईडी मार्फत सध्या चौकशी करण्यात येत आहे. या इमारती नुकत्याच जमीनदोस्त करण्यात आल्या. या अनधिकृत इमारती माजी नगरसेवक सीताराम गुप्ता, अनिल गुप्ता आणि त्यांच्या सहकाऱ्यांनी बांधल्याचा आरोप आहे. त्यामुळे मार्च महिन्यापासून ईडी या प्रकरणाची चौकशी सुरू केली होती. त्यानंतर बुधवारी वसई-विरारमध्ये सीताराम गुप्ता, विवेक तिवारी आणि अनिल गुप्ता यांच्यासह तब्ब्ल 13 ठिकाणी छापे मारून चौकशी आणि तपास केला होता.
वसई-विरार महापालिकेचे नगररचना उपसंचालक वाय. एस. रेड्डी यांच्या हैदराबाद येथील मूळ निवासस्थानी ईडीच्या अधिकाऱ्यांनी छापेमारी केली. ही कारवाई गुरुवारपर्यंत सुरु होती. सक्तवसुली संचालनालयाच्या या कारवाई अंती रेड्डी यांच्या घरात 8 कोटी 6 लाख रुपयांची रोकड तसेच 23 कोटी 25 लाख रुपयांचे हिरे जडित दागिने आणि सोने सापडले आहेत. या व्यतिरिक्त विविध महत्वाची कागदपत्रे जप्त करण्यात आल्याची माहिती ईडीने प्रसिद्धीपत्रकाद्वारे दिली.
Pune Crime : चाकण अत्याचार प्रकरणात विवाहित तरुणाला अटक, निर्लज्जपणे म्हणतो, नाईट शिफ्टवर रस्त्याने जाताना ती दिसली आणि…
छत्रपती संभाजीनगरमध्ये उद्योजकाच्या घरी दरोडा
दुसरीकडे, छत्रपती संभाजीनगर येथील बजाजनगरमधील उद्योजक संतोष लढ्ढा (रा. आरएल 93, बजाजनगर) यांच्या निवासस्थानावर गुरुवारी पहाटे दरोडा पडला. दरोडेखोरांनी साडेपाच किलो सोने, बत्तीस किलो चांदी व रोख रक्कम लंपास केली. घराची देखभाल करणाऱ्याचे हात बांधून पिस्तूलचा धाक दाखवत रोख सत्तर हजार रुपये व सोन्याचांदीचे दागिने असा एकूण 3 कोटी 46 लाख 75 हजार रुपयांचा ऐवज दरोड्यात लंपास करण्यात आला.
Y S Reddy : वसई विरार मनपा अधिकारी मोठा लबाड, घरात करोडोंचं घबाड; 8 कोटींची कॅश, 23 कोटींचं सोनं जप्त
Jalgaon Crime : मला उद्या 11 नंतर उठवा, लॉजवाल्यांना सांगितलं; गर्लफ्रेण्डला VC करत ‘ऑपरेशन मौत’चा उल्लेख अन्…
चारचाकीतून आलेले सहा दरोडेखोर सुरक्षा भिंतीवरून उड्या मारून आत शिरले तसेच शिडीने वरच्या मजल्यावर जाऊन पाठीमागचा दरवाजा तोडून आत प्रवेश केला. पहाटे दोनच्या सुमारास घरात शिरलेले दरोडेखोर चारपर्यंत दोन तास घरात होते. चोरीचे साहित्य घेऊन जाताना शेजारील घराच्या सीसीटीव्ही कॅमेऱ्यात दरोडेखोर कैद झाले आहेत. ज्या बंगल्यात दरोडा पडला त्या ठिकाणी सीसीटीव्ही कॅमेरे नाहीत.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा