या प्रकरणात पोलिसांनी सिराज चौधरी (वय 55) आणि त्याचा मुलगा वसीम चौधरी यांच्यासह स्पा ऑपरेटर दीपक चव्हाण, नागालँडची रहिवासी ज्योती देवी (38) आणि जबलपूरची रहिवासी अमनगिरी गोसवानी (23) यांच्या विरोधात गुन्हा दाखल करण्यात आला आहे.

बाणेर पोलिसांनी सोमवारी रात्री सव्वाआठ वाजण्याच्या सुमारास ‘24 थाई स्पा’ वर छापा टाकत ही कारवाई केली. यावेळी पोलिस उपनिरीक्षक दीपाली पाटील, रूपेश चाळके आणि निरीक्षक सावंत यांनी नेतृत्व केलं. चौकशीतून समोर आलं की, वसीमने ही जागा दीपक चव्हाणला भाड्याने दिली होती आणि त्याच्या मदतीनेच स्पामध्ये देह व्यवसाय सुरू होता.
Pune Accident : जुन्या मुंबई-पुणे हायवेवर कंटेनरने चिरडलं, वाढदिवसाच्या आदल्या रात्री कर्तव्यदक्ष पोलिसाचा करुण अंत
पोलिस तपासात उघड झालं की, सिराज आणि वसीम हे बापलेक एक यूट्यूब न्यूज पोर्टल चालवत होते. या माध्यमातून ते अन्य स्पा मालकांना ब्लॅकमेल करत असत. वसीम स्पाय कॅमेरा वापरुन ब्युटी सलून आणि स्पा सेंटरमध्ये जात असे व त्यानंतर त्यांचे व्हिडीओ तयार करून मालकांकडून पैसे उकळत असे.

सिराजवर बलात्काराचा गुन्हाही

या प्रकरणातील सिराज चौधरी याच्यावर यापूर्वीही गंभीर आरोप आहेत. ठाण्यातील वर्तकनगर पोलीस ठाण्यात तो आणि त्याचा साथीदार यश तिवारी (24) या दोघांवर एका पार्टीदरम्यान 25 वर्षीय महिलेवर लैंगिक अत्याचार केल्याचा गुन्हा दाखल आहे. पोलिसांच्या माहितीनुसार, महिला नवी मुंबईतील कॉर्पोरेट कंपनीत कार्यरत असून, कंपनी मॅनेजरने आयोजित केलेल्या पार्टीत ही घटना घडली होती. या प्रकरणात पोलिसांनी 8 मे रोजी दोघांना अटक केली असून, सध्या ते पोलिस कोठडीत आहेत.
Pune Crime : उज्ज्वला वारुळेंनी जीव दिला नाही! पोस्टमार्टममध्ये धक्कादायक माहिती, वाघोलीत घटनेत ओढणीमुळे नवा ट्विस्ट

कठोर कारवाईचे निर्देश

पोलीस आयुक्त अमितेश कुमार यांनी पुण्यातील बेकायदेशीर स्पा आणि मसाज सेंटरवर कठोर कारवाईचे आदेश दिले आहेत. गेल्या वर्षभरात 35 पेक्षा अधिक स्पा केंद्रांवर छापे टाकून, 36 जणांवर वेश्याव्यवसायाच्या संदर्भातील गुन्हे दाखल करण्यात आले आहेत. तसेच, अशा ठिकाणांची मालमत्ता भाड्याने देणाऱ्या जागा मालकांवरही गुन्हे दाखल करण्यात येत आहेत.