Nandurbar politics : दोन्ही राष्ट्रवादी एकत्र येण्याआधी त्या नेत्यांनी माफी मागायला हवी, राष्ट्रवादी जिल्हाध्यक्षाची मागणी

राष्ट्रवादी नंदुरबार जिल्हाध्यक्ष डॉ.अभिजीत मोरे यांनी सध्याच्या राजकीय स्थितीवर प्रतिक्रिया दिली आहे. ते म्हणाले, ‘लायकी नसलेल्या नेत्यांनी उपमुख्यमंत्री अजित पवारांनी मोठे केले. मात्र त्यांनीच खालच्या स्तरावर त्यांच्यावर टीका केली. दोन्ही राष्ट्रवादी एकत्र येण्याआधी त्यांनी माफी मागायला हवी, अशी कार्यकर्त्यांची भावना आहे. आम्हीही अनुभवत आहोत, दोघं राष्ट्रवादी एकत्र येत आहेत आम्हाला मनस्वी आनंद. अजित पवारांची माफी मागूनच त्यांच्यासोबत काम करावं. अजित पवार जो निर्णय घेतील तो आम्हाला मान्य. मागे झालेल्या निवडणुकीत युतीतील घटक पक्षांचा अनुभव आनंददायी नाही. महायुतीतील घटक पक्षांकडून जास्त अपेक्षा नाहीत, महायुतीचे पालन करून निवडणूक लढवल्या गेल्या नाहीत. मात्र राजकारणात कुणीही कायमचा शत्रू नसतो.’