एचएसआरपीमध्ये युनिक आयडेंटिफिकेशन नंबर (युआयएन), स्टीकर आणि लेझर कोड अशा वैशिष्टयांसह नोंदणी पाटी आहे. यात छेडछाड किंवा बदल करता येत नाही. यामुळे त्या वाहनांशी संबंधित गुन्ह्यांचे परीक्षण आणि प्रतिबंध करण्यासाठी सहाय्यभूत ठरतात. यामुळे १ एप्रिल २०१९ पूर्वी नोंदणी केलेल्या सर्व वाहनांना एचएसआरपी अनिवार्य करण्यात आली आहे. यासाठी ३० जूनपर्यंतची कालमर्यादा निश्चित करण्यात आली आहे.
HSRP नंबरप्लेटबाबत आता वेगळीच समस्या, ग्राहकांना मनस्ताप; काम कंत्राटदार की वाहनचालकाचं, मोठा संभ्रम

मुंबईत नोंदणी केलेल्या वाहनधारकांचा प्रश्न –

परळमध्ये राहणाऱ्या गणेश पाटील यांची दुचाकी मुंबईत नोंदणी करण्यात आली आहे. ‘गेल्या पाच वर्षांपासून कोकणतील गावात नेऊन ठेवण्यात आली आहे. या दुचाकीचा वापर गावातील वाडी-वस्त्यांवर ये-जा करण्यासाठी होतो. एचएसआरपी लावण्यासाठी ऑनलाइन प्रक्रिया केल्यानंतर दुचाकीची नोंदणी मुंबईतील असल्याने केवळ मुंबईतील फिटमेंट केंद्र दाखवतात. जुन्या वाहनांना एचएसआरपी नसल्यास दंड आकारणी होणार, असे सांगितले जाते. आम्हाला इच्छा असूनही केवळ फिटमेंट केंद्र नसल्याने एचएसआरपी लावता आलेली नाही’, असे त्यांनी सांगितले

राज्यातील सर्व प्रादेशिक-उपप्रादेशिक परिवहन कार्यालयाची (आरटीओ) तीन मंडळात विभागणी करण्यात आली आहे. प्रत्येक मंडळासाठी अधिकृत एजंटची नियुक्ती करण्यात आली आहे. वाहननोंदणी असलेल्या प्रादेशिक-उपप्रादेशिक परिवहन कार्यालयाच्या परिसरातील फिटमेंट केंद्राची यादी आणि वेळ ऑनलाइन यंत्रणेत दाखवली जाते. मुंबईत नोंदणी आणि गावी वापर होत असलेल्या वाहनांबाबत अद्याप कोणतेही तक्रार परिवहन आयुक्तालयात प्राप्त झालेली नाही. याबाबत योग्य ती खबरदारी घेण्यात येईल, असे परिवहन आयुक्तालयाने स्पष्ट केले.