वृ्त्तानुसार, कानडी माळी परिसरात एका प्रायव्हेट कंपनीद्वारे सौर ऊर्जा पॅनल बसवण्याचे काम काम सुरू होते. सचिन गोरे या ठिकाणी कार्यरत होता. त्याच्यासोबत इतर ८ सहकारी देखील होते. तो त्याच्या सहकाऱ्यांसह जवळच असलेल्या एका खदानीमध्ये पोहण्यासाठी उतरला होता. परंतु यादरम्यान पाण्याचा अंदाज न आल्याने सचिन बुडू लागला. त्यांच्या सहकाऱ्यांनी आरडाओरड करून त्यांना वर काढण्याचा प्रयत्न केला, परंतु तो बुडाला. खदान खूप खोल असल्यामुळे त्याचा मृतदेह सापडला नाही.
Buldhana Accident: महाकालचं दर्शन घेऊन घराकडे निघाले, वाटेत भीषण अपघात, इस्त्रोत शास्त्रज्ञ असलेल्या मुलासह आई-वडिलांचा मृत्यू
खूप शोध घेऊनही तो मिळाला नसल्याने अग्निशामक दलाला पाचारण करण्यात आले होते. अग्निशामक दलाच्या जवानांनी तब्बल आठ तासानंतर सचिन गोरे यांचा मृतदेह बाहेर काढला आहे. दरम्यान सैन्यात अग्निवीर म्हणून सचिनची निवड झाली होती. त्याचे प्रशिक्षणही सुरु होणार होते. मात्र त्यापूर्वीच त्यांचा दुर्दैवी मृत्यू झाला.

जळगावमधूनही दुर्दैवी घटना समोर आली आहे. आई-वडिलांचे छत्र सर्वांना हवेसे वाटणारे असते. पण सर्वांच्याच वाटेला हे सुख येत नाही. या तरुणाची कहाणी ऐकाल तर डोळ्यात पाणी आल्याशिवाय राहत नाही. अजय चौधरी लहान असतानाच त्याच्या डोक्यावरील वडिलांचं छत्र हरपलं. त्याने वडिलांचं प्रेम काय असतं, त्यांचा आधार काय असतो हे अनुभवण्यापूर्वीच नियतीने त्याच्यापासून त्याचे बाबा हिरावून घेतले. त्याला त्याच्या आईनेच सांभाळ करत लहानाचं मोठं केलं. पण तिचाही आजाराने मृत्यू झाला. आता या दहा महिन्यातच अजयचाही चटका लावणारा अंत झाला आहे.