Pune Girl Instagram Post supporting Pakistan : पुण्यातील कोंढवा परिसरात परिसरात राहणाऱ्या एका तरुणीने पाकिस्तान समर्थनात पोस्ट शेअर केल्याचा धक्कादायक प्रकार उघडकीस आला आहे.
कोंढवा पोलिसांकडून अटक
पाकिस्तानच्या बाजूने नारे देणारी पोस्ट तिने इन्स्टाग्रामवर शेअर करताच व्हायरल झाली होती. या प्रकरणी संबंधित तरुणीच्या विरोधात भारतीय न्याय संहितेच्या कलम 152, 196, 197, 299, 352, 353 अनुसार गुन्हा दाखल करण्यात आला आहे. खतीजा शहाबुद्दीन शेख (वय 19) असे आरोपी तरुणीचे नाव आहे. कोंढवा पोलिसांनी तिला अटक केली आहे.
पाकिस्तानच्या बाजूने नारे
सोशल मीडियावर वादग्रस्त पोस्ट केल्याप्रकरणी तरुणीच्या विरोधात गुन्हा दाखल करण्यात आला आहे. संबंधित युवतीने सोशल मीडिया अकाउंटवर ‘पाकिस्तान जिंदाबाद’ अशा स्वरुपाची पोस्ट केल्याने खळबळ उडाली होती. तिला कोंढवा पोलिसांनी बेड्या ठोकल्या आहेत.
Pune Crime : पुण्यात 19 वर्षीय तरुणीची पाकिस्तान समर्थनात इन्स्टा पोस्ट, पोलिसांनी जिरवली, कोंढव्यात बेड्या
या प्रकरणी पोलिसांनी त्वरित कारवाई करत संबंधित तरुणीला ताब्यात घेतले आहे. तिच्या विरोधात राष्ट्रद्रोहासारख्या गंभीर कलमाच्या अंतर्गत गुन्हा दाखल झाला आहे. सध्या तिची चौकशी सुरू असून पोलीस पुढील तपास करत आहेत.
Murali Naik : देशाचं रक्षण करताना तुमचा सुपुत्र शहीद, अधिकाऱ्यांचा फोन, आई कोसळली; मुरली नाईक यांना अखेरचा निरोप
पोलिसांचा सज्जड इशारा
कोंढवा पोलीस ठाण्याचे वरिष्ठ अधिकारी या प्रकरणावर लक्ष ठेवून आहेत. सोशल मीडियावर द्वेषपूर्ण किंवा देशविरोधी मजकूर प्रसारित करणाऱ्यांच्या विरोधात कठोर कारवाई केली जाईल, असा इशारा पोलिसांनी यावेळी दिला आहे.
Nandurbar News : भावाच्या लग्नासाठी सुट्टीवर, कॉल आला अन् CRPF जवान भारतमातेच्या सेवेस रवाना, देशभक्तिपर गाणी लावत गावाकडून मिरवणूक
सोशल मीडियाद्वारे पाकिस्तान जिंदाबाद अशा प्रकारची पोस्ट व्हायरल केल्याप्रकरणी संबंधित तरुणीविरुद्ध तातडीने गुन्हा दाखल करण्यात आला आहे. तिच्याविरुद्ध कारवाई करण्यात आली आहे. तिला अटक देखील करण्यात आली असून पुढील चौकशी सुरू आहे, अशी माहिती झोन चारचे पोलीस उपायुक्त डॉ. राजकुमार शिंदे यांनी दिली.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा