Operation Sindoor Updates : मुरली शहीद झाल्याचे कळताच नातेवाईक, मित्रपरिवार, शेजारी, परिचितांनी त्यांच्या घराबाहेर गर्दी केली. कामराज नगरबरोबरच आजुबाजूच्या परिसरातील नागरिक जमा झाले. शहीद नाईक यांचा पराक्रम सांगणारे, श्रद्धांजली वाहणारे पोस्टर, बॅनर घाटकोपर येथे झळकले.
मूळच्या आंध्र प्रदेशचे असलेले नाईक आईवडिलांसह घाटकोपरच्या कामराज नगरात वास्तव्यास होते. वडिलांनी मजुरी, तर आईने घरकाम करून नाईक यांना वाढवले. अशा बिकट परिस्थितीत नाईक यांनी शिक्षण पूर्ण करून लष्करात दाखल होण्याचा निर्णय घेतला. २०२२ मध्ये ‘अग्निवीर’ योजनेतून लष्करात जवान म्हणून नियुक्त झाले.
नाशिक, देवळाली येथील प्रशिक्षण आटोपून त्यांना आसाम येथील सीमावर्ती भागात नियुक्त करण्यात आले. त्यानंतर ते पंजाब येथे रुजू झाले. पहलगाम हल्ल्यानंतर भारत-पाकिस्तान दरम्यान लष्करी कारवायांना तोंड फुटताच, त्यांना काश्मीर खोऱ्यात कर्तव्यासाठी बोलावणे आले.
मुरली शहीद झाल्याचे कळताच नातेवाईक, मित्रपरिवार, शेजारी, परिचितांनी त्यांच्या घराबाहेर गर्दी केली. कामराज नगरबरोबरच आजुबाजूच्या परिसरातील नागरिक जमा झाले. शहीद नाईक यांचा पराक्रम सांगणारे, श्रद्धांजली वाहणारे पोस्टर, बॅनर घाटकोपर येथे झळकले.
अवेळी फोनने थरकाप उडायचा!
पंजाबचा तळ सोडताना मुरलीने फोन केला होता. ‘सध्याचा तणाव पाहता एकुलता एक मुलगा काश्मीरमध्ये जाणार या विचाराने पोटात गोळा आला. अवेळी आलेला प्रत्येक फोन घेताना काळजाचा थरकाप उडे. अखेर आमची ही भीती खरी ठरलीच.
Murali Naik : देशाचं रक्षण करताना तुमचा सुपुत्र शहीद, अधिकाऱ्यांचा फोन, आई कोसळली; मुरली नाईक यांना अखेरचा निरोप
‘देशाचे रक्षण करताना तुमचा पुत्र, आमचे सहकारी मुरली शहीद झाले’ अशी दुःखद बातमी लष्करी अधिकाऱ्याने शुक्रवारी कळवली. हे माझ्या पायाखालची जमीन सरकली. माझ्या चेहऱ्यावरील हावभाव पाहून मुरलीची आई चक्कर येऊन कोसळली,’ शहीद मुलाबाबत सांगताना मुरली यांचे वडील श्रीराम यांना अश्रू आवरले नाहीत.
Sofia Qureshi : माझी पणजी राणी लक्ष्मीबाईंच्या सैन्यात होती, कर्नल सोफिया कुरेशी यांची जुनी मुलाखत चर्चेत
सीआयएसएफ जवानाचे निधन
दरम्यान, केंद्रीय औद्योगिक सुरक्षा दलात (सीआयएसएफ) कार्यरत असलेले उल्हासनगर येथील अनिल निकम यांचे गाझियाबाद येथे कर्तव्य बजावत असताना हृदयविकाराच्या धक्क्यामुळे निधन झाले. अनिल निकम हे उल्हासनगर, कॅम्प क्र. ३ भागात केणी चाळीत राहत होते.
Operation Sindoor Updates : सावध राहा, तिथे दिसता क्षणीच गोळ्या घालण्याचे आदेश, मुंबईतील मच्छिमारांना सरकारचा सज्जड इशारा
कर्तव्यावर असताना अचानक त्यांची तब्येत बिघडली. सहकाऱ्यांनी त्यांना वाचवण्याचा प्रयत्न केला. शुक्रवारी त्यांचे पार्थिव उल्हासनगरात आणण्यात आले. उल्हासनगरच्या स्मशानभूमीत शासकीय इतमामात त्यांच्यावर अंत्यसंस्कार करण्यात आले.
लेखकाबद्दलअनिश बेंद्रेमहाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत | सामाजिक, राजकीय आणि मनोरंजनविषयक बातम्यांमध्ये नैपुण्य | क्राईम विषयाचा ‘मास्टरमाईंड’ | एबीपी माझा, टीव्ही९ मराठीसह पत्रकारिता क्षेत्रात 11 वर्षांहून अधिक अनुभव… आणखी वाचा