मिळालेल्या माहितीनुसार, असलम खान रज्जाक खान हे घरातून पोहण्यासाठी जात असल्याचे सांगून निघाले. यादरम्यान पोहोताना त्यांचा मृत्यू झाला. पाण्यात बुडल्यानंतर असलम खान यांची शोधाशोध करण्यात आली. तब्बल तीन तासानंतर पाण्यामध्ये त्यांचा मृतदेह सापडला. त्यांचा मृतदेह जिल्हा रुग्णालयात नेण्यात आला. यादरम्यान नातेवाईकांनी रुग्णालयाबाहेर प्रचंड गर्दी केली होती.
‘शंकराचार्यांनी गांधींंबद्दल केलेलं वक्तव्य दुर्दैवी, या प्रवृत्तीच्या लोकांनी महात्मा गांधींना गोळ्या…’ काँग्रेस नेते कडाडले
शुक्रवारी सकाळी जिम, मॉर्निंग वॉक करून अंदाजे आठच्या दरम्यान असलम खान हे आपल्या मित्रांसोबत जलतरनिकेत पोहण्यासाठी पोहोचले. सर्वजण सोबत पोहत होते. पण काही वेळाने असलम खान हे पोहताना दिसले नाहीत. असलम खान दिसत नसल्याने शोधाशोध सुरु झाली. जलतरनिकेच्या कर्मचाऱ्यांना माहिती देण्यात आली. जवळपास अडीच ते तीन तास त्यांचा शोध घेतल्यानंतर त्यांचा मृतदेह पाण्याबाहेर काढण्यात आला.

असलम खान हे मागील दीड महिन्यापासून परभणीच्या जलतरनिकेत दररोज सकाळी पोहण्यासाठी येत होते. पाण्याचा अंदाज न आल्यामुळे जास्त खोल पाण्यात ते गेले व त्यांचा दुर्दैवी मृत्यू झाला, अशी एक चर्चा सुरू आहे. घटनास्थळी नवा मोंढा पोलीस ठाण्याचे पोलीस निरीक्षक वाघमारे व महानगरपालिकेचे अधिकारी आणि कर्मचारी उपस्थित होते.

मयत असलम खान यांचा मृतदेह जिल्हा सामान्य रुग्णालयात शवविच्छेदनासाठी नेण्यात आला. दरम्यान ही घटना शहरात पसरताच जिल्हा सामान्य रुग्णालयात नातेवाईकांनी मोठ्या प्रमाणावर गर्दी केल्याचे दिसून आले. असम खान यांचा मृत्यू झाल्याने हळहळ व्यक्त होत आहे. त्यांच्या कुटुंबियांवर दु:खाचा डोंगर कोसळला आहे.