पोलीस अधीक्षकांच्या घरी सुरक्षारक्षक म्हणून नियुक्ती असलेल्या आणि वाळू माफियांना मदत केलेल्या दोन पोलीस कर्मचाऱ्यांना पोलीस सेवेतून बडतर्फ करण्याचा निर्णय घेण्यात आला. बाळू गहिनीनाथ बहिरवाळ हा पोलीस कर्मचारी पोलीस अधीक्षकांच्या घरात बसून गांजा ओढताना आढळून आला होता. याच अनुषंगाने त्याच्यावर निलंबनाची कारवाई करण्यात आली होती.
Beed Crime: धक्कादायक! बीडमध्ये एसपींच्या घरी पोलीस कर्मचारीच पित होता गांजा, स्वत: काँवत यांनी रंगेहात पकडलंअधीक्षक नवनीत कॉवत यांनी घेतली गंभीर दखल

तर रामप्रसाद शिवनाथ कडूळे या पोलीस कर्मचाऱ्याने वाळू माफीयांना मदत केली होती. याच अनुषंगाने या पोलीस कर्मचाऱ्याला अटक देखील झाली होती. या दोन्ही प्रकरणात पोलिसांची प्रतिमा डागाळल्याने त्याची गंभीर दखल घेत पोलीस अधीक्षक नवनीत काँवत यांनी या दोघांचे निलंबन करत सेवेतून बडतर्फ केले आहे. यामुळे पोलीस दलात या कारवाईची जोरदार चर्चा ही रंगताना दिसत आहे. पोलीस अधीक्षक नवनीत काँवत यांच्या निवासस्थानाच्या डागडुजीचे काम सुरू आहे. सध्या ते गेस्ट हाऊसमध्ये राहत आहेत.

बाळू बहिरवळ दरवाजा लावून पित होता गांजा

यादरम्यान ते रात्रीच्या वेळी घराची पाहणी करण्यासाठी कुटुंबियांसोबत पोहोचले होते. पोलीस कर्मचारी बाळू बहिरवळ हा दरवाजा लावून गांजा पित आतमध्ये बसला होता आणि तो दरवाजा उघडत नव्हता. स्वत: पोलीस अधीक्षक नवनीत काँवत यांनी दरवाजा उघडण्याचा बराच प्रयत्न केला पण बाळू बहिरवळ हा दरवाजा उघडत नव्हता. त्यानंतर नवनीत काँवत यांनी रुग्णालयात तपासणी करण्याचे आदेश दिले आणि त्यावरून स्पष्ट झाले ही बाळू बहिरवळ याने गांजा पिला होता.