चेटकीणीचे पोट नेते खाऊन भरले नाही..
यापूर्वी भाजपच्या संदर्भात मी टिप्पणी केली होती की भाजप ही काँग्रेसची नेते खाणारी चेटकीण आहे. चेटकीणीचे पोट नेते खाऊन भरले नाही म्हणून हे कार्यकर्त्यांना खाण्याच्या मागे भाजप लागली आहे. विरोधकांना फोडण्याचा जो एक प्रयत्न भाजप करतेय त्याचा आम्ही निषेध करतो. तर दुसऱ्या बाजूला नरेंद्र मोदी नावाचे खूप मोठे नेतृत्व आमच्या जवळ आहे. असे सांगणारे भाजप आणि देवेंद्र फडणवीसांचे गुणगान गाणाऱ्या भाजपची पोलखोल या वाक्यातून झाली आहे.

भाजप किती कमजोर हे सिद्ध होते
ना त्यांच्याजवळ कार्यकर्ते आहेत, ना त्यांच्याजवळ नेते आहेत. काँग्रेसच्या नेत्यांच्या आणि कार्यकर्त्यांच्या भरवशावर आपण पुढच्या निवडणुका जिंकू शकतो हे त्यांच्या ध्यानात आलेले आहे. म्हणून काँग्रेस फोडण्याचा खटोटोप दरदिवशी करत आहेत.त्यांच्या वक्तव्याची एका बाजूला कीव करावी वाटते.तर दुसऱ्या बाजूला त्यांचा पक्ष किती कमजोर आहे हे आपसूक सिद्ध झाले आहे.

1 कोटीपेक्षा जास्त कार्यकर्ते पण…
आमच्याजवळ 1 कोटीपेक्षा जास्त कार्यकर्ते आहेत असे सागणारा भाजप आता दुसऱ्यांच्या पक्षातील कार्यकर्ते घेतल्याशिवाय त्यांचे भागत नाही असे चित्र आहे. आधीच त्यांच्या मंत्रिमंडळात जे मुळ काँग्रेसचे आहेत ते मंत्री झालेले आहेत. त्यांच्या जवळ केडर नाही.

काय म्हणाले होते बावनकुळे
‘संग्राम थोपटे यांच्यासारखे जे कोणी दिसतील त्यांना पक्षात घ्या, काँग्रेस पक्ष खाली करुन टाका. काँग्रेस जेवढी तुम्ही कमी कराल त्याचा तेवढा तुमचा फायदा आहे.’अशा सूचना त्यांनी कार्यकर्त्यांना दिल्या होत्या. भाजपचे लक्ष्य सध्या आगामी स्थानिक स्वराज्य संस्था निवडणुकांवर भाजप पक्ष स्थानिक पातळीवर भाकरी फिरवण्याच्या तयारीत आहे.