दारुच्या नशेत मुलाच्या डोक्यात लाकडी बांबू

याप्रकरणी मिळालेल्या प्राथमिक माहितीनुसार, बाप आणि मुलाला दोघांनाही दारूचं व्यसन होतं. दारू आणण्याच्या कारणावरून त्यांच्यात नेहमीच वाद होत असत. आठवडाभरापूर्वी रोहित याने आपलं आयुष्य संपवण्याचाही प्रयत्नही केला होता, अशी माहिती आहे. रविवारी सकाळी दोघेही नशेत असताना पुन्हा त्यांच्यात वाद झाला आणि हा वाद इतका वाढला की बापाने लाकडी बांबूने मुलाच्या डोक्यात हल्ला केला. या हल्ल्यात रोहित गंभीर जखमी झाला, तो जमिनीवर कोसळला. रक्ताच्या थारोळ्यात पडलेल्या रोहितचा जागीच मृत्यू झाला.
Chhatrapati Sambhajinagar News: पत्नीने आयुष्य संपवलं, मग पती रेल्वे रुळावर गेला अन्…; 20 वर्षाच्या संसाराची माती, दोन पोरं पोरकी
घटनेची माहिती मिळताच माजलगाव पोलीस ठाण्याचे पोलीस निरीक्षक राहुल सुर्यतळ, पोउपनि आकाश माकणे व पथकाने घटनास्थळी धाव घेतली. पंचनामा करून मृतदेह उत्तरीय तपासणीसाठी माजलगाव ग्रामीण रुग्णालयात पाठवण्यात आला. दरम्यान, पोलिसांनी आरोपी बापाला ताब्यात घेतले आहे.

दारूच्या नशेने आणखी एक कुटुंब उद्ध्वस्त

गेल्या काही दिवसांत बीड जिल्ह्यात दारूच्या नशेत नातेवाईकांमध्ये झालेल्या वादांमुळे अनेक हत्या घडल्या आहेत. अंबाजोगाई तालुक्यातील येल्डा येथे मुलाने आईचा, परळीत पुतण्याने चुलतीचा खून केला, तर माजलगावात ढाबा चालकाचा खून दारूच्या बिला कारणावरून झाला होता. आता खानापूर येथील ही घटना त्याच मालिकेतील भीषण वास्तव मांडते. दारूच्या व्यसनामुळे कुटुंब उद्ध्वस्त होत असून, आप्तस्वकीयांवर हल्ला करण्याच्या घटना वाढत आहेत. व्यसनमुक्तीसाठी व्यापक जनजागृती आणि कठोर उपाययोजना करण्याची गरज समाजासमोर उभी आहे.