हिंगोली तालुक्यात असलेल्या डिग्रस कऱ्हाळे येथील तरुण मृदंग वादन कलाक्षेत्रात विपुण असलेला ब्रह्मानंद किसन कराळे (वय 32) यांनी मध्यरात्रीच्या सुमारास हिंगोली शहरातील जुन्या तालुका क्रीडा कार्यालयाच्या बाजूला असलेल्या रेल्वे रुळावरून येणाऱ्या जनशताब्दी एक्सप्रेस रेल्वेखाली उडी मारून आपल्या आयुष्याची अखेर केल्याची माहिती पोलिसांना मिळाल्याने पोलिसांनी घटनेच्या ठिकाणी धाव घेतले ही घटना शनिवारी ता. (3) रोजी मध्यरात्रीच्या सुमारास घडली असल्याने हिंगोली शहर पोलीस स्टेशनचे पोलीस निरीक्षक नरेंद्र पाडळकर व सहकाऱ्यांनी घटनास्थळाची पाहणी केली.

मयताचे पाय व डोके रेल्वेने कटल्याचे दिसून आले. पोलिसांनी मयताची ओळख पटवण्यासाठी मयताच्या जवळील वस्तूची व मृतदेहाची पाहणी केली मात्र जवळ कुठलाही पुरावा आढळून‌ आला नाही. अखेर पोलिसांनी या परिसरात एक मोटरसायकल उभी असल्याने बघितले व पोलिसांनी मोटरसायकलच्या नंबर प्लेट वरून माहिती मिळवली असता ही मोटरसायकल डिग्रस येथील ब्रह्मानंद कऱ्हाळे यांची असल्याचे निष्पन्न झाले.
Thane News: लिफ्टने 17व्या मजल्यावर गेली अन्… कल्याणमध्ये 35 वर्षीय महिलेने आयुष्य संपवलं, घटना CCTVत कैद
यावरून पोलिसांनी ब्रह्मानंद कऱ्हाळे यांच्या कुटुंबासोबत संपर्क साधला असता ब्रह्मानंद यांच्या कुटुंबाने व गावकऱ्यांनी घटनास्थळी धाव घेतली पाहणी केली समोरील दृश्य बघून व ब्रह्मानंद यांचा मृतदेह बघून कुटुंबाला धक्का बसला. रूपाजी कऱ्हाळे यांच्या माहितीवरून हिंगोली शहर पोलीस स्टेशनमध्ये (4) रोजी अकस्मात मृत्यूची नोंद करण्यात आली आहे. उत्तरीय तपासणीसाठी मृतदेह जिल्हा ग्रामीण रुग्णालयात आणण्यात आला होता.

या घटनेचा पुढील तपास जमादार गणाजी पोटे हे करत असून ब्रह्मानंद यांनी हे टोकाचं पाऊल का उचललं हे मात्र अद्यापही स्पष्ट झालेले नाही. ब्रह्मानंद यांच्या पश्चात आई-वडील, पत्नी, दोन मुली, एक बहीण असा परिवार असल्याचे त्यांच्या नातलगाकडून सांगण्यात आले आहे.