Navi Mumbai Drug Case: नवी मुंबईसारख्या आधुनिक शहराभोवती अमली पदार्थांचा विळखा वाढत चाललेला आहे. हे नुकत्याच पोलिसांनी केलेल्या कारवाईतूनही समोर आले आहे. ही अत्यंत चिंताजनक बाब आहे.
नवी मुंबईसारख्या आधुनिक शहराभोवती अमली पदार्थांचा विळखा वाढत चाललेला आहे. हे नुकत्याच पोलिसांनी केलेल्या कारवाईतूनही समोर आले आहे. ही अत्यंत चिंताजनक बाब आहे. यामधे तरुण पिढी मोठ्या प्रमाणात ओढली जात आहे. नवी मुंबईत मोठमोठ्या शैक्षणिक संस्था आहेत. त्यात शिक्षण घेणारी मुले या अमली पदार्थांच्या विळख्यात ओढली जात आहेत. हे पदार्थ शहरात येतात कसे, हा एक गंभीर विषय आहे. मात्र, परराज्यातून आणि आयात मालाच्या माध्यमातून हे अमली पदार्थ शहरात येत असल्याचा आरोप नुकताच माथाडी नेते नरेंद्र पाटील यांनी जाहीरपणे केला. त्यामुळे बाजार आवारातच नाही, तर पोलिस दलातही खळबळ उडाली आहे.
अमली पदार्थाविरोधात पोलिसांकडून अनेकदा कारवाया करून शहरात आलेले नशेचे पदार्थ, अमली पदार्थ ताब्यात घेतले जातात. नष्टही केले जातात, मात्र त्यांचा शहरांमध्ये होणारा पुरवठा नियमित कोणत्या ना कोणत्या मागांने सुरूच असतो. त्यामुळे ही समस्या आटोक्यात येण्याऐवजी दिवसोंदिवस वाढतच आहे.
मुंबई कृषी उत्पन्न बाजार समितीमध्ये अमली पदाथांचा प्रवेश कोणत्या ना कोणत्या मागनि होत असतोच. पोलिसांनी अनेकदा कारवाई करूनदेखील मालाच्या गाड्यांमधून हे चरस, गांजा, अफिमसारखे अमली पदार्थ बाजारात येतात. बाजार समितीच्या आवारात राज्यातून आणि देशातील कानाकोपऱ्यातून अगदी परदेशातूनही कृषी माल येतो. हा माल घेऊन येणारे चालक, क्लीनर आणि हाताखाली काम करणारी मुले यांच्या माध्यमातून अमली पदार्थ बाजारात येतात. शिवाय बाजाराच्या आवारात काम करणारे परप्रांतीय हमाल, बांगलादेशी कामगार, मजूर काही गुंड प्रवृत्तीचे लोक त्यांना त्यांच्या विक्रीसाठी मदत करतात. शिवाय बाजारातील पानटपऱ्यांवरही यांची विक्री होते.
बाजार समितीला, बाजार समितीच्या सुरक्षा विभागाला याचे काही सोयरसुतक नाही. त्यामुळे अमली पदार्थांचा बाजार सुरळीत सुरू असतो. पोलिसांनी कारवाई केली की त्या वेळेपर्यंत हे थांबते. मात्र, काहों दिवसांनंतर पुन्हा सर्व काही सुरळीत सुरू होते. परराज्यातून येणान्या गाड्यांमधून हे अमली पदार्थ अगदी सहज मालाच्या गाडीबरोबर इकडे येतात आणि शहरात पुरवले जातात. पुडी आणि तोळा पा हिशेबाने हे विकले जातात. गांजाची एक पुडी ६०० १०० रुपये, तर चरस ६०० ते ७०० रु. तोळा या दराने विकला जातो. हे विकत घेणारी ग्राहक ठरलेली असतात आणि ग्राहकांच्या माध्यमातून नवीन ग्राहक जोडले जातात. या आमली पदार्थ विकणाऱ्या आणि सेवन करणान्यांमुळे बाजार समितीच्या आवारात गुंड प्रवृत्तीचे लोक वाढायला लागले आहेत. त्यामुळे हे अमली पदाथांचे जाळे तोडण्याची मागणी जागरूक व्यापारी करत आहेत.
गांजा, चरस घेणारे अनेकदा पोलिसांच्या हाती लागतात. मात्र, पोलिसांनी पकडून नेल्यावर ते नशेत पोलिस ठाण्यात तमाशा करतात, स्वतःला जखमी करून घेतात. त्यामुळे पोलिसांना हा ताप सहन करावा लागतो. बाजार समितीत खुलेआम आयात मालाच्या माध्यमातून अमली पदार्थ घेतात. त्यामुळे याची सखोल चौकशी व्हायला पाहिजे. हे प्रकार थांबायला पाहिजेत. नरेंद्र पाटील, माथाडी नेते
शुक्रवारी एपीएमसी पोलिस, गुन्हे शाखा आणि परिमंडळ १च्या संयुक्त पथकाने मोठी तपास मोहीम राबवून १५० संशयितांना ताब्यात घेतले. त्यांच्याकडील नागरिकत्वाच्या कागदपत्रांची तपासणी सुरू आहे. या तपास मोहिमे अंतर्गत एपीएमसी बाजारातील आठ कोल्ड स्टोरेज, गोदामे, संपूर्ण बाजार आवार पिंजून काढला आहे. -अजय शिंदे, वरिष्ठ पोलिस निरीक्षक
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा