या प्रकरणात चैताली श्रावण शिंगणे (वय ३५) यांनी दिलेल्या तक्रारीनुसार, चैताली शिंगणे आणि त्यांचे पती पालघर जिल्ह्यातील बोईसर येथून बुलडाणा जिल्ह्यात लग्नासाठी आले होते. लग्न पार पडल्यानंतर हे कुटुंब कारने परतीच्या प्रवासाला निघाले. रात्री गाडी ६० किमी प्रतितास वेगाने जात असताना विनाक्रमांकाच्या पांढऱ्या कारने आलेल्या दरोडेखोरांनी चैताली शिंगणे यांच्या कारसमोर त्यांची कार आडवी लावली. त्यानंतर कारमधील चार जणांनी आम्ही इन्शुरन्सवाले आहोत, असे सांगून शिंगणे यांच्या कारची चावी काढून घेतली.
Jayant Patil: आता ५ वर्षे शक्य नाही, पण…; अजित पवारांच्या मुख्यमंत्रि‍पदाच्या इच्छेवर जयंत पाटलांनी मांडली भूमिकात्यानंतर चौघांनी चैताली शिंगणेच्या पतीला शिवीगाळ केली; तसेच जबर मारहाण केली. त्यानंतर चैताली यांच्या गळ्यातील मंगळसूत्र, पोत; तसेच त्यांच्या आईच्या गळ्यातील लक्ष्मीहार आणि इतर दागिने जबरदस्तीने हिसकावून घेतले. चैताली हिने फोटो काढण्याचा प्रयत्न करताच आरोपींनी त्यांचा मोबाइलसुद्धा हिसकावून घेतला. दरोडेखोर तेथून पळण्याच्या प्रयत्नात असतांना चैतालीच्या पतीने कारने दरोडेखोरांच्या कारला पाठीमागून जोराची धडक दिली. त्यामुळे दरोडेखोर गाडीच्या खाली उतरले व चैताली यांच्या पतीला मारहाण करून पुन्हा कारची चावी काढून घेतली.

आमचा पाठलाग करण्याचा प्रयत्न केला तर तुम्हाला मारून टाकू, अशी धमकी दिली. चैताली हिने कारची चावी देण्याची विनंती केली असता दरोडेखोरांनी चावी तोडून शिंगणे यांना दिली. ही घटना दोन मे रोजी रात्री १०.१० ते १०.२० वाजेच्या सुमारास घडली. या प्रकरणात अज्ञात दरोडेखोरांविरोधात चिकलठाणा पोलिस ठाण्यात गुन्हा दाखल करण्यात आला आहे. टोळीने एक लाख रुपयांचे दीड तोळ्याचे सोन्याचे मणीमंगळसूत्र, तीन लाख रुपयांची चार तोळ्यांची सोन्याची पोत, दीड लाख रुपयांचा लक्ष्मीहार, दीड लाख रुपयांचे छोटी पोत, चार लाखांची मोठी पोत, १२ हजारांचा मोबाइल असा सुमारे ११ लाख १२ हजार रुपयांचा ऐवज लुटून नेला.