काय आहे प्रकरण?

पिसादेवी येथील बाजार समितीत लिपिक पदावर कार्यरत असलेला सिद्धेश गंगाशंकर त्रिवेदी (रा. रुक्मिणी स्केअर, पिसादेवी) याने 15 फेब्रुवारी 2021 रोजी पहाटे पत्नी कवितासोबत वाद घालत डंबेल्सच्या लोखंडी रॉडने आणि गळा दाबून खून केला. त्यानंतर आरोपीने आठ वर्षीय मुलगा आणि तीन वर्षीय मुलीला रक्ताच्या थारोळ्यात पडलेल्या पत्नीच्या मृतदेहाजवळ डांबून पळ काढला.
Pahalgam Attack : दहशतवाद्यांना भिडलेल्या आदिलचा भाऊही धडाकेबाज! नजाकतने चिमुरड्यांसह भाजप नेत्याच्या कुटुंबाला वाचवलं
मुलांचा रडण्याचा आवाज ऐकून शेजाऱ्यांनी सायंकाळी घराचे कुलूप तोडून मुलांना बाहेर काढले. चिकलठाणा पोलिसांनी घटनास्थळावरून दगड, लोखंडी डंबेल्स, रॉड आणि मोबाइल जप्त केला.

दरम्यान, मुलगी कविता हिचा खून झाल्याचे कळताच नाशिक (लोणार) येथील तिचे वडील जगदीश ईश्वरराव अवस्थी हेदेखील नातेवाइकांसोबत पिसादेवी येथे आले. प्रकरणात जगदीश अवस्थी यांनी दिलेल्या फिर्यादीवरुन आरोपी सिद्धेश त्रिवेदी याच्याविरोधात गुन्हा दाखल होऊन दीड महिन्याने आरोपीला दमन येथून अटक करण्यात आली. तेव्हापासून तो कारागृहात आहे.
Pahalgam Attack : माझा भाऊ धर्मयोद्धा, पहलगाम हल्ल्यातील दहशतवाद्याच्या बहिणीने गरळ ओकली, पोलिसांनी 20 लाखांचे…

मुलाची साक्ष ठरली महत्त्वाची

खटल्याच्या सुनावणीवेळी, अतिरिक्त लोकाभियोक्ता सतीश मुंडवाडकर यांनी 11 साक्षीदारांचे जबाब नोंदवले. त्यात मृताचा मुलगा याची साक्ष महत्वाची ठरली. सुनावणीअंती न्यायालयाने आरोपीला दोषी ठरवून भादंवी कलम 302 अन्वये जन्मठेप, 25 हजार रुपयांचा दंड, कलम 326 अन्वये 5 वर्षे सक्तमजुरी, 5 हजार रुपयांचा दंड, 323 अन्वये 2 वर्षांची शिक्षा, 5 हजार रुपये दंड, कलम 323 मध्ये एक वर्ष शिक्षा, 1 हजार दंड आणि कलम 342 अन्वये एक वर्षाची शिक्षा ठोठावली.