शनिवारी दुपारनंतर ७३ फेऱ्या आणि रविवारी दिवसभरात ९० फेऱ्या रद्द राहतील. ब्लॉक वेळेत धावणाऱ्या अहमदाबाद-बोरिवली-अहमदाबाद, बोरिवली-नदुरबार-बोरिवली या एक्स्प्रेस अंशतः रद्द राहणार आहेत. ब्लॉक वेळेत काही लोकल फेऱ्या विलंबाने धावणार आहेत. विद्याविहार ते ठाणे आणि सीएसएमटी ते चुनाभट्टी/वांद्रेदरम्यान मध्य रेल्वेने ब्लॉक घोषित केला आहे.
दक्षिण मुंबई ते वसई फक्त ४० मिनिटांत! वॉटर टॅक्सीला ‘वेग’, पहिल्या टप्प्यात १५ जेट्टी उभारणार, असं आहे प्लॅनिंग
स्थानक – कांदिवली ते बोरिवली
वेळ शनिवार, दुपारी १ ते रविवारी मध्यरात्रीनंतर १२ पर्यंत
मार्ग – पाचवी मार्गिका, कारशेड मार्गिका, कांदिवली यार्ड मार्गिका
परिणाम –३५ तासांच्या -ब्लॉकमध्ये शनिवार दुपारी एक ते मध्यरात्री १२ वाजेपर्यंत एकूण ७३ फेऱ्या रद्द राहणार आहेत. प्रवाशांच्या सुविधेसाठी कमी अंतरावर धावणाऱ्या रद्द केल्या असून विरार-डहाणू रोड दरम्यान धीम्या-जलद फेऱ्या प्रवाशांसाठी उपलब्ध राहणार आहे. रविवारी दिवसभरात रात्री उशिरापर्यंत एकूण ९० फेऱ्या रद्द राहणार आहेत. पश्चिम रेल्वेवर दोन्ही दिवस लोकल फेऱ्या विलंबाने धावणार आहेत.

बोरिवली ते वसई रोड रद्द
राहणाऱ्या मेल-एक्स्प्रेस
गाडी क्रमांक १९४१८ अहमदाबाद-बोरिवली (२५ आणि २६ एप्रिल) गाडी क्रमांक १९४१७बोरिवली-अहमदाबाद (२७ एप्रिल) गाडी क्रमांक १९४२५ बोरिवली-नंदूरबार (२६, २७ एप्रिल) गाडी क्रमांक १९४२६ नंदुरबार-बोरिवली (२६ एप्रिल)
मुंबईकरांनो पाणी भरुन ठेवा; दोन दिवस पाणीपुरवठा राहणार बंद, कोणत्या भागांना फटका? वाचा लिस्ट
मध्य रेल्वे
स्थानक – विद्याविहार ते ठाणे
मार्ग – पाचवा आणि सहावा
वेळ – स. ८ ते दु. १२.३०
परिणाम –ब्लॉकवेळेत १० -मेल-एक्स्प्रेस फेऱ्यांच्या वेळापत्रकावर परिणाम होणार आहे. त्यामुळे मेल-एक्स्प्रेस, लोकल विलंबाने धावतील.
मुंबईकरांनो, पाणी जपून वापरा! सातपैकी तीन धरणांतील पाणीसाठा खालावला, कोणत्या धरणात किती पाणी?
हार्बर रेल्वे
स्थानक -सीएसएमटी ते -चुनाभट्टी / वांद्रे
मार्ग – अप आणि डाउन
वेळ – स. ११.१० ते दु. ४.१०
परिणाम – सीएसएमटी ते वाशी / बेलापूर / पनवेल दरम्यान धावणाऱ्या अप आणि डाउन लोकल फेऱ्या रद्द राहणार आहेत. कुर्ला ते पनवेलदरम्यान २० मिनिटांच्या फरकाने विशेष लोकल फेऱ्या चालवण्यात येणार आहे.