मंत्री नितेश राणे यांनी दापोलीतील अडखळ जेटीची आज पाहणी केली. यावेळी त्यांनी बंदर विकास खात्याचे अधिकारी आणि ठेकेदार यांना खडेबोल सुनावले. मला खोटी माहिती देऊ नका खोटी माहिती द्याल तर डबल फाईन करेन. अशा शब्दात त्यांनी ठेकेदाराला सज्जड दम भरला. या ठिकाणी गाड्या पार्किंग केल्याने अडथळा येत असल्याने दोन गटात राडा झाला होता. त्यावरुन गाड्या पार्कींगला परमिशन कोण देतो? ही बंदर विकास खात्याची अंतर्गत जागा आहे. यावरून देखील बंदरविकास खात्याच्या अधिकाऱ्यांना चांगलच ऐकवलं. तुम्ही याकडे लक्ष दिले नाहीत तर तुम्हाला घरात पाठवावे लागेल, असं म्हणत खडेबोल सुनावले.