बीडमधील गुन्हेगारीच्या घटनांमध्ये वाढ होताना दिसत आहे. त्यामध्येच आता धारूर शहरातील एक व्हिडीओ व्हायरल झाला आहे, ज्यामुळे मोठी खळबळ निर्माण झालीये. धारूर शहरात कोयत्याचा धाक दाखवून मुख्याध्यापकाच्या घरात चोरीची घटना घडलीये. हेच नाही तर या चोरीच्या घटनेनंतर सात ते आठ जण तोंडाला रूमाल बांधून आणि हातात कोयता घेऊन रस्त्याने जाताना दिसत आहेत. या व्हायरल होणाऱ्या व्हिडीओमुळे मोठी खळबळ निर्माण झाली आहे.
Beed News: तुमची मुलगी मला द्या, म्हणत गुंडाचा शिक्षकावर हल्ला, ट्रॅक्टर गाडीवर चढवला, बीडमध्ये संतापहा भितीदायक सीसीटीव्ही व्हिडीओ व्हायरल होत आहे. मुख्याध्यापक संजिवन टोनगे यांच्या फिर्यादीवरून अज्ञात पाच ते सहा चोरट्याविरुद्ध धारूर पोलीसात गुन्हा नोंदवण्यात आला आहे. रविवारी पहाटेच्या दरम्यान संजीवन टोनगे यांच्या घरात अज्ञात पाच ते सहा चोरट्यांनी घुसून टोनगेंच्या हातावर कोयत्याचा वार करत धाक दाखवून साडेतीन तोळ्याचे विविध दागिने व रोख २७००० रूपये घेऊन लंपास केली.

या घटनेनंतरचा सीसीटीव्ही व्हिडीओ आता पुढे येतोय. हा व्हिडीओ बघितल्यावर कोणाच्याही अंगावर काटा नक्कीच येईल. सहा ते सात हल्लेखोर तोंडाला रूमाल बांधून हातात कोयते घेऊन जाताना दिसत आहेत. पोलिसांकडून आता या प्रकरणात आरोपींचा शोध हा घेतला जातोय. बीड पोलिस हे गुन्हेगारांच्या विरोधात कडक पाऊले उचलत असताना देखील गुन्हेगारीच्या घटना या कमी होण्याचे नाव घेत नाहीत. त्यामध्येच आता हा व्हिडीओ व्हायरल झालाय.