दरम्यान, चंद्रपुरातील तापमानाचा पारा गेल्या काही दिवसांपासून चढाच राहिला आहे. जिल्ह्यात बुधवारी 42.6 अंश इतके तापमान होते. गुरुवार 42 अंश नोंदवण्यात आले. शुक्रवारीही 42.6 अंशावर स्थिर राहिले असले तरी शनिवारी मात्र 2 अंशाने वाढ होऊन 44 अंशावर पोहोचले. तर रविवारी 44.6 अंश तापमान नोंदवण्यात आले.

काय घ्यावी दक्षता?

1. पुरेसे पाणी प्या, शरीरातील पाण्याची पातळी योग्य राखा.
2. घराबाहेर पडतांना डोके झाकण्यासाठी टोपी, रुमाल किंवा छत्रीचा वापर करावा.
3. दुपारी 12 ते 4 वाजेदरम्यान घराबाहेर जाणे टाळावे.
4. थेट येणाऱ्या सुर्यप्रकाशाला/उन्हाला अडविण्याकरिता घरातील पडदे आणि झडपांचा वापर करावा.
5. उष्णतेच्या लाटेच्या माहितीसाठी रेडिओ, टिव्ही, किंवा वर्तमानपत्रातील माहितीचा वापर करण्यात यावा.
6. हलकी, पातळ व सच्छिद्र सुती कपडे वापरावेत.

काय करणे टाळावे?

1. उन्हात अतिकष्टाची कामे करू नये.
2. दारु, चहा, कॉफी आणि कार्बोनेटेड थंड पेये घेऊ नये.
3. दुपारी 12 ते 4 च्या दरम्यान घराबाहेर जाणे टाळावे.
4. उच्च प्रथिनयुक्त आणि शिळे अन्न खाऊ नये.
5. लहान मुले किंवा पाळीव प्राण्यांना बंद असलेल्या व पार्क केलेल्या वाहनात ठेवू नये.
6. गडद, घट्ट व जाड कपडे घालण्याचे टाळावे.
7. बाहेर तापमान जास्त असल्यास शारीरिक श्रमाची कामे टाळावी.
8. उन्हाच्या कालावधीत स्वयंपाक करण्याचे टाळावे, तसेच मोकळया हवेसाठी स्वयंपाक घराची दारे व खिडक्या उघडी ठेवण्यात यावी.
9. चप्पल न घालता अनवाणी उन्हात चालू नये, अश्या सूचना प्रशासनाने केले आहे.