भोर विधानसभा मतदारसंघाचे माजी आमदार संग्राम थोपटे यांनी काँग्रेस पक्षाला सोडचिठ्ठी देत….येत्या 22 एप्रिल 2025 रोजी भारतीय जनता पक्षात (भाजप) प्रवेश करण्याचा निर्णय जाहीर केला आहे. भोर येथे आज झालेल्या आयोजित पत्रकार परिषदेत त्यांनी हा निर्णय जाहीर केला. यावेळी त्यांनी काँग्रेस पक्षाकडून सातत्याने दुर्लक्ष झाल्याची खंत व्यक्त केली आहे. कार्यकर्त्यांच्या इच्छेनुसार हा निर्णय घेतल्याचेही त्यांनी सांगितले आहे. 22 एप्रिलला मुंबईत मुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे…आणि इतर नेत्यांच्या उपस्थितीत थोपटे प्रमुख कार्यकर्ते व पदाधिकाऱ्यांसह भाजपात प्रवेश करतील.