“राज ठाकरे यांचं वर्तन अत्यंत दुखद आहे. राज ठाकरेंना कायदा कळतो की नाही? असा प्रश्न उपस्थित करणारा आहे. राज ठाकरेंनी नवे शैक्षणिक धोरण न वाचता स्वत:ची राजकीय पोळी भाजण्यासाठी चालवलेला एक घाट आहे. आम्ही आज पोलिसांना नॅशनल इज्युकेशन पॉलिसी दिली आहे. त्याचा अभ्यास करुन राज ठाकरे यांच्यावर कारवाई करण्यासाठी पॉलिसी दिली. तसेच शासन निर्णयही दिला आहे. ही सर्व कार्यप्रणाली पाहता राज ठाकरेंवर कारवाई व्हावी यासाठी तक्रार दाखल करत आहेत”, असं सदावर्ते यांनी सांगितलं.

‘राज ठाकरे यांच्या कार्यकर्त्यांनी गुंड पद्धतीने…’

“राज ठाकरे यांचे कार्यकर्ते ज्याप्रकारे एकत्रित होऊन सार्वजनिकपणे इतरांना त्रास होईल, असं शिवाजी पार्क पोलीस ठाणे हद्दीत, सेना भवनाच्या समोर शासनाच्या केलेला हिंदी भाषेचा कायदा म्हणजेच शासन निर्णय दहन केलेला आहे. ही कृती अत्यंत चुकीची आहे. बेकायदा आहे. त्याचबरोबर असंविधानिक आहे. त्याचबरोबर गुन्हेगारी संहितेत बसणारी आहे. राज ठाकरे यांच्या कार्यकर्त्यांनी गुंड पद्धतीने कायद्याचा भंग करत फ्लेक्स लावले. त्यावर हम हिंदू हैं हिदी नाही, असं लिहिलं. हे भाषिक लोकांमध्ये वाद निर्माण करणारं आणि जातीय तेढ निर्माण करणारं आहे”, असा घणाघात गुणरत्न सदावर्ते यांनी केला.

‘अरे आजूबाजूला दारुची दुकानं…’

“अरे आजूबाजूला दारुची दुकानं आहेत ती बंद करण्यासाठी निवेदन द्याना. तेव्हा तुमची मर्दांगी कुठे जाते? पुस्तकालयाला म्हणता हिंदीचं पुस्तक कसं देईल? अरे अनेक पुस्तकं द्यायला सांगा. ही मुंबई ज्ञानार्जनाची नगरी आहे. ते न करता तुम्ही धमक्या देताय. या सगळ्या गोष्टी लक्षात घेता राज ठाकरेला कायदा संमत असेल तर त्यांना अटक झाली पाहिजे. त्यांच्या कार्यकर्त्यांना अटक झाली पाहिजे. त्यांना प्रतिबंध केलं पाहिजे”, अशा शब्दांत सदावर्ते यांनी राज ठाकरेंवर निशाणा साधला.