जळगाव तालुक्यातील अंजाळे गावाजवळ घाणेकर नगर येथे गोंधळाच्या कार्यक्रमासाठी भिल कुटुंबाकडे त्यांचे अनेक नातेवाईक आले होते. सोमवारी यातील महिला व बालक नदीत आंघोळ आणि कपडे धुण्यासाठी गेल्या होत्या. यावेळी पाच वर्षीय बालक अचानक नदीच्या डोहात पाय घसरुन पडला. मुलाला वाचवण्यासाठी त्याची आई आणि मावशी दोघांनी पाण्यात उडी घेतली. मात्र, त्या दोघींनाही पोहता येत नसल्याने तिघेही पाण्यात बुडाले. ही दुर्दैवी घटना सोमवारी दुपारी घडली असून याबाबत नागरिकांनी माहिती दिल्यानंतर नागरिकांनी त्या ठिकाणी धाव घेतली. मात्र, नागरिक पोहोचेपर्यंत हे बुडून मयत झाले होते.

नेमकं काय घडलं?

घाणेकर नगरमध्ये बादल लहू भिल कुटुंबासह राहतात. त्यांच्याकडे गोंधळाचा कार्यक्रम होता. या कार्यक्रमाला पाहुणे म्हणून वैशाली सतीष भिल (वय 28), त्यांचा मुलगा नकुल सतीष भिल (वय 5, रा. अंतुर्ली ता. अमळनेर) व सपना गोपाल सोनवणे (वय 27, रा. पळाशी, ता. सोयगाव, जि. छत्रपती संभाजीनगर) हे आले होते.

गोंधळाचा कार्यक्रम आटोपल्यानंतर सोमवारी दुपारी सव्वाबारा वाजता अंजाळे शिवारातील तापी नदीच्या पात्रात महिला मुलांना घेऊन आंघोळ आणि कपडे धुण्यासाठी गेल्या होत्या. दरम्यान नदीपात्रातील डोहात नकुल भिल याचा पाय घसरला आणि तो पाण्यात बुडू लागला. त्याला वाचवण्यासाठी त्याची आई वैशाली भिल आणि मावशी सपना सोनवणे या दोघींनीही पाण्यात उडी घेतली. या दोघींना देखील पोहता येत नसल्यामुळे तिघेही पाण्यात बुडाले.
Crime News : 12 हजारांऐवजी चुकून 30 पाठवले, वरचे 18 परत कर ना; पोरगी जाळ्यात फसेना, सायबर चोरानेच उलटं कौतुक केलं!

मामा, भाऊ पाण्यात पडला, आई-मावशीही बुडाल्या

मामा लवकर चल, नकुल खेळत होता, अचानक तो पाण्यात बुडाला, त्याला पाण्यातून बाहेर काढण्यासाठी आई व मावशी दोघींनी पाण्यात उडी मारली, मात्र त्यापण पाण्यात दिसत नाहीयेत, असे बादल भिल यांना त्यांची भाची अनु भिल हिने निरोप दिला. तेव्हा सर्वच जण तापी नदीकडे धावत सुटले मात्र, तोवर तिघे खोल पाण्यात बुडून मयत झाले होते, असे बादल भिल यांनी सांगितले.
Pune Crime : डॉक्टरकडे जाऊन येते; बहिणीला सांगून पुण्यात प्रेग्नंट महिलेने आयुष्य संपवलं, चिठ्ठीत गूढ उकललं, दुसऱ्या नवऱ्यावर गुन्हा
दरम्यान, या घटनेची माहिती तातडीने यावल पोलिसांना देण्यात आली. तिघांचे मृतदेह यावल ग्रामीण रूग्णालयात आणण्यात आले. या प्रकरणी यावल पोलिस ठाण्यात अकस्मात मृत्यूची नोंद करण्यात आली आहे.