Mother Killed Twins And Try To Ends Life: पुण्यात एका आईने आपल्या दोन महिन्यांच्या जुळ्या बाळांचा जीव घेतला आहे. या आईने जुळ्या बाळांना पाण्याच्या टाकीत टाकलं आणि मग स्वत:ही त्यात उडी घेतली. जेव्हा घरच्यांना ही माहिती मिळाली तोपर्यंत खूप उशीर झाला होता. पुण्यातील या घटनेने एकच खळबळ माजली आहे.
दोन महिन्यांपूर्वी जुळ्या मुलांना जन्म
याबाबत मिळालेल्या अधिक माहितीनुसार, प्रतिभा या आपल्या आई-वडिलांकडे थेऊर येथे राहण्यासाठी आल्या होत्या. त्यांना दोन महिन्यांपूर्वी आयव्हीएफ तंत्रज्ञानाद्वार जुळी मुलं झाली होती. मात्र, जन्मापासूनच ही मुलं वारंवार आजारी पडत होती. यामुळे प्रतिभा तणावात आणि नैराश्यात होत्या, असे स्थानिक नागरिकांनी सांगितले. 
Prasanna Sankar: कितीही वेदनेत असले तरी मला करावंच लागायचं; वेश्या, ओपन मॅरेज अन्… प्रसन्ना शंकरच्या पत्नीने काय-काय सांगितलं?
टेरेसवरील टाकीत बाळांना टाकलं अन् स्वत:ही उडी घेतली
त्याच विचारातून प्रतिभा यांनी मंगळवारी (८ एप्रिल) सकाळी साडेसहा वाजण्याच्या सुमारास घराच्या टेरेसवर असलेल्या १,००० लिटर क्षमतेच्या प्लास्टिकच्या पाण्याच्या टाकीजवळ गेल्या. प्रथम त्यांनी आपल्या दोन्ही जुळ्या मुलांना स्टूलवर उभे होऊन टाकीत टाकले आणि नंतर स्वतःही टाकीत उडी घेतली. टाकीचे तोंड लहान असल्याने आणि पाणी जास्त असल्याने प्रतिभा पूर्णपणे बुडाल्या नाहीत. दोन-तीन वेळा त्यांचे डोके पाण्याबाहेर आले. ही घटना समोर राहणाऱ्या एका व्यक्तीने पाहिली आणि त्यांनी तातडीने प्रतिभा यांच्या कुटुंबीयांना कळवले.
कुटुंबीयांनी टेरेसवर धाव घेतली असता, दोन्ही मुले पाण्यात बुडालेल्या अवस्थेत आढळली. स्थानिक नागरिकांच्या मदतीने मुलांना तातडीने वानवडी येथील कमांड हॉस्पिटलमध्ये दाखल करण्यात आले. मात्र, उपचारापूर्वीच दोन्ही मुलांचा मृत्यू झाल्याचे वैद्यकीय अधिकाऱ्यांनी घोषित केले.
घटनेची माहिती मिळताच लोणी काळभोर पोलिसांनी तातडीने घटनास्थळी धाव घेत पोलीस पथकाने घटनास्थळाचा पंचनामा केला. प्रतिभा मोहिते यांना ताब्यात घेण्यात आले असून, त्यांच्यावर पुढील कारवाईसाठी तपास सुरू आहे.
लेखकाबद्दलनुपूर उप्पलनुपूर उप्पल, महाराष्ट्र टाइम्स ऑनलाईन टीममध्ये डिजिटल कंटेंट प्रोड्युसर म्हणून कार्यरत आहेत, याआधी टीव्ही ९ मराठी, साम टीव्ही, इन मराठी वेबसाईटसाठी काम केलंय. डिजिटल पत्रकारिता क्षेत्रात ७ वर्षांचा अनुभव. राजकीय, सामाजिक लिखाणाची आवड. गुन्हेगारीसंबंधित, विज्ञानविषयक बातम्यांमध्ये हातखंडा… आणखी वाचा