हा व्हिडिओ तुम्ही पाहिला असेलच… या चिमुकल्याच्या पायाला दोरीनं बांधून आई वडील काम करत असल्याचं या व्हिडिओत दिसतंय. हा व्हिडिओची दखल थेट उपमुख्यमंत्री एकनाथ शिंदे यांनी घेतली. या बाळावर उपचार करण्याचे आदेश उपमुख्यमंत्री वैद्यकीय मदत कक्षाचे प्रमुख मंगेश चिवटे यांना दिले होते. मंगेश चिवटेंनीही लगोलग लहानग्या निलेशच्या आई-वडिलांना ठाणे येथे बोलावून घेतलं आणि प्रसिद्ध रुग्णालयात बाळाची तपासणी करवून घेतली होती. बाळाला पुन्हा १ महिन्यानं येण्याचा सल्ला डॉक्टरांनी दिल्यानंतर चव्हाण परिवार आपल्या गावी परतले.