मागील वर्षी चव्हाण कुटुंबीय राहत असलेल्या घराला (झोपडी) आग लागल्याने घरातील सर्व कागदपत्र जळून खाक झाले होते. ही गोष्ट जेव्हा एकनाथ शिंदे यांना समजली तेव्हा त्यांनी तात्काळ जिल्हाधिकारी आणि प्रशासनाला सांगून कुटुंबाला कागदपत्र बनवून देण्याचे आदेश दिले. यासाठी मंगेश चिवटे यांचे सहकारी शिवसेना वैद्यकीय मदत कक्ष मुंबई उपनगरप्रमुख सुरेश शिंदे यांनी सातारा गाठून २८ मार्च रोजी जिल्हाधिकारी यांच्या मार्फत चव्हाण कुटुंबाला स्वतःचे रेशन कार्ड आणि डोमेसाइल मिळवून दिले आहे. सातारा जिल्हाधिकारी कार्यालयात जिल्हाधिकारी सचिन पाटील व तहसीलदार नागेश गायकवाड यांच्या हस्ते रेशन कार्ड आणि डोमेसाइल चव्हाण कुटुंबाला देण्यात आले आहे.

यावेळी उपमुख्यमंत्री वैद्यकीय मदत कक्षाचे प्रमुख मंगेश चिवटे यांनी जिल्हाधिकाऱ्यांशी फोनवरून संपर्क करून चव्हाण कुटुंबाला मदत करा, असे सांगितले. सोबतच बाळाची आई मोनाली यांना कसली अडचण नको यायला, यासाठी खबरदारी घ्यावी असे सांगितले. रेशन कार्ड मिळाल्यावर चव्हाण कुटुंबाच्या चेहऱ्यावर आनंद होता. सोबतच डोळे पाणावलेले दिसत होते. राज्याचे संवेदनशील उपमुख्यमंत्री एकनाथ शिंदे यांचे आभार कसे आणि कोणत्या शब्दात मांडावे अशी भावना त्यांच्या चेहऱ्यावर दिसत होती.
Gauri Khedekar Murder : अगं गौरी, आपण नाही जाऊ शकत मुंबईला परत; बायकोने भांडी फेकली, राकेशला संताप अनावर, ‘त्या’ रात्री काय घडलं?
शिंदेंनी तात्काळ मदत करण्याचे आदेश दिल्याचे पाहून समाजाला आपले काही देणे लागते म्हणून पंढरपूर येथील पोलीस मित्र वामन यलमार आणि संतोष करचे यांनी चव्हाण कुटुंबाला ५० हजारांची रोख मदत केली आहे. त्यामुळे बाळाच्या आईवडिलांना आणखीन बळ मिळाले.
Pune News : पुण्यातील महिलेच्या भावाचं निधन, आप्त गैरहजर; मायकल-जावेद धावून आले, वैकुंठ स्मशानभूमीत अंत्यविधी
यावेळी सुरेश शिंदे म्हणाले की, समाजमाध्यमांवर पाय बांधून ठेवल्याचा निलेशचा व्हिडिओ मोठ्या प्रमाणात व्हायरल झाला होता, शिंदेंना ते कळताच त्यांनी तात्काळ बाळाला आणि कुटुंबाला संपूर्ण मदत करण्याचे आदेश दिले. रुग्णालयात बाळाची तपासणी झाल्यानंतर कागदपत्रांसाठी मला उपमुख्यमंत्री वैद्यकीय मदत कक्षाचे प्रमुख मंगेश चिवटे यांनी सातारा गाठायला लावले आणि आज त्या कुटुंबाला रेशन कार्ड आणि डोमेसाइल मिळवून दिले याचे समाधान आहे. यावेळी शिवसेना वैद्यकीय मदत कक्ष मुंबई उपनगरप्रमुख सुरेश शिंदे आणि कांदिवली चारकोप मालाड विभागप्रमुख महेंद्र शेंडगे उपस्थित होते.