दिशाच्या कुटूंबात काय अडचणी होत्या मला माहिती नाही. तुम्ही सांगत आहात त्यानुसार त्यांच्या घरामध्ये आर्थिक चणचण होती, ती डिप्रेशनमध्ये होती हा त्यांचा कौटुंबिक आणि व्यक्तिगत प्रश्न आहे. आम्हाला यावर राजकारण करायचं नाही. जे आता तिच्या वडिलांना हाताशी धरून राजकारण करतायेत ते त्यांना लखलाभ. आता पोस्ट मार्टम रिपोर्ट पुन्हा एकदा प्रसिद्ध झाला आहे. आदित्य ठाकरे, उद्धव ठाकरे आणि आम्ही समर्थ आहोत, अशा घाणेरड्या विषयाचं राजकारण करून जे महाराष्ट्राच्या पहिल्या क्रमांकाच्या कुटुंबावर चिखलफेक करू इच्छितात आणि पुन्हा बाळासाहेब ठाकरेंचे फोटो लावतात त्यांना लाजा वाटायला पाहिजेत, असं संजय राऊत यांनी म्हटलं आहे.

बाळासाहेब आज हयात असते तर…- राऊत

बाळासाहेब ठाकरे यांनी जाहीर निवेदन केलं होतं त्यावळी ते जीवित होते. त्यानंतर बाळासाहेब यांचं नाव राष्ट्रपुरूषांच्या यादीत गेलं. राष्ट्रपुरुषांचा फोटो वापरण्यावर कोणी आक्षेप घेऊ शकत नाही. राष्ट्र पुरूष हा एका व्यक्तीचा एका कुटूंबाचा होत नाही. याचा फायदा कोणी घेत असेल कर त्यांनी घ्यावा. एकनाथ शिंदेचे लोकं बाळासाहेबांचा फोटो वापरतात. जर बाळासाहेब आज हयात असते तर शिंदे आणि त्यांच्या लोकांना मातोश्रीच्या बाहेर चाबकाने मारलं असतं. हे म्हणतात ना कुणाल कामराला टायरमध्ये घालून मारलं पाहिजे. हे सगळ सत्तेची मस्ती आहे, या देशामध्ये अभिव्यक्ती स्वातंत्र्य आहे. जर कोणी तुमहाला दुखावणारं वक्तव्य केलं असेल तर त्यासाठी कायदा कोर्टा आहे. आमच्यावरती काही डिफरमेशनच्या केस आहेत, आम्ही कोर्टात जातो. आता जर एखादा मंत्री थर्ड डिग्री द्यायची भाषा करत असेल तर याचा अर्थ महाराष्ट्रात तालिबानी राज्य सुरू असल्याचंराऊत म्हणाले.