स्वारगेट आगारात शिवशाही बसमध्ये आरोपी दत्तात्रय रामदास गाडे (वय ३६) याने तरुणीवर बलात्कार केल्याची घटना २५ फेब्रुवारी रोजी घडली. या प्रकरणी स्वारगेट पोलिस ठाण्यात गुन्हा दाखल असून, आरोपीला २६ मार्चपर्यंत न्यायालयीन कोठडी सुनावण्यात आली होती. त्याची मुदत संपल्याने आरोपी गाडेला येरवडा कारागृहातूनच व्हिडिओ कॉन्फरन्सिंगद्वारे न्यायालयात हजर करण्यात आले. न्यायाधीशांनी गाडेला पोलिसांविरोधात काही तक्रार आहे का, अशी विचारणा केली. त्यावर कोणतीही तक्रार नसल्याचे त्याने सांगितले.

न्यायालयाच्या परवानगीने बचाव पक्षाचे ॲड. वाजेद खान-बिडकर यांनी आरोपी गाडेला कारागृहात येऊन भेटून खटल्याबाबत सूचना घेणार असल्याचे सांगितले. पीडितेच्या वतीने ॲड. श्रीया आवले उपस्थित होत्या.
Sangamner Jawan Martyr : २४ वर्ष देशसेवा, निवृत्तीला २ महिने उरलेले, पाकड्यांच्या गोळीबारात महाराष्ट्राच्या सुपुत्राला वीरमरण
दरम्यान, या प्रकरणात डीएनए चाचणी अहवाल अद्याप प्राप्त झालेला नाही. येत्या आठवड्यात हा अहवाल प्राप्त होण्याची शक्यता असून, त्यानंतर पोलिसांकडून आरोपपत्र दाखल केले जाणार आहे. या खटल्यात सरकार पक्षाची बाजू मांडण्यासाठी विशेष सरकारी वकील नियुक्तीचा प्रस्तावही पोलिसांनी दिला आहे.

याआधी, ‘स्वारगेट येथील बलात्कार प्रकरणात येत्या आठवडाभरात आरोपपत्र दाखल करण्याची कार्यवाही केली जाईल,’ अशी माहिती पोलिस आयुक्त अमितेशकुमार यांनी मंगळवारी दिली होती.
Prasanna Sankar : प्रसन्न एक नंबरचा विकृत, बाथरुममध्ये छुपे कॅमेरे लावून… ‘XL साईज’वरुन आरोप करणाऱ्या अब्जाधीशावर बायकोचा पलटवार
अमितेशकुमार म्हणाले, ‘हे प्रकरण गंभीर आहे. याच्या तपासात कोणत्याही त्रुटी राहणार नाहीत, याची खबरदारी घेतली जात आहे. तपास अंतिम टप्प्यात आला असून, येत्या आठवडाभरात पुढील पावले उचलली जातील. वास्तविक, या गुन्ह्यात आरोपपत्र दाखल करण्यासाठी ६० दिवसांची मुदत आहे. आम्हाला शक्य तेवढे लवकर आरोपपत्र दाखल करून, खटला लवकर चालवायचा आहे. आम्ही न्यायालयाला विनंती करणार आहोत.’

बलात्कार प्रकरणातील आरोपी दत्तात्रय गाडे याचा मोबाइल पोलिसांना अद्याप सापडलेला नाही. याबाबत पोलिस आयुक्त अमितेशकुमार म्हणाले, ‘आरोपीच्या मोबाइलचा या गुन्ह्याच्या तपासावर किंवा पुराव्यांवर कोणताही परिणाम होत नाही. त्यामुळे मोबाइल सापडला नसला; तरीही फार फरक पडत नाही.’