आरोपी कदम हा नागपूर बसडेपोत चालक म्हणून कार्यरत आहे. पीडित १७ वर्षीय मुलगी अकरावीला आहे. ती आरोपीच्या ओळखीची आहे. ती शनिवारी, २२ मार्च रोजी उमरखेड बसस्थानकावर बसची वाट पाहत होती. त्याचवेळी संदीप तिथे आला. त्याने तिला कुठे जात आहे, असे विचारले असता तिने नांदेडला जात असल्याचे सांगितले. संदीपने तिला सोडून देतो असे सांगत नांदेडला नेले. तिथून तो नागपूरला घेऊन आला. रविवारी पहाटे ५ वाजता बस नागपूरला पोहचली. तिला संदीप खोलीवर घेऊन गेला. तिथे तिच्यावर बलात्कार केला. नंतर नागपूर-सोलापूर या बसने तिला उमरखेडला सोडून दिले.
बस चालवताना मोबाईलवर IPL पाहणं महागात; ई-शिवनेरीचा ‘तो’ चालक बडतर्फ; एसटी महामंडळाची मोठी कारवाई
मुलगी घरी आली नाही म्हणून तिचे कुटुंबीय चिंताग्रस्त झाले. त्यांनी चौकशी सुरू केली. पीडित मुलगी ही संदीप कदम याच्यासोबत उमरखेडला दिसल्याची माहिती मिळाली. पोलिसांनी त्याला उमरखेड बसस्थानकावर अटक केली. भादंवि कलम १३७ (२) ६४ ( १) ९६ भारतीय न्याय संहितासह ४, ८, १२ बाललैंगिक अत्याचार प्रतिबंधक सह अनुसूचित जाती-जमाती अत्याचार प्रतिबंधक कायद्यासह गुन्हे दाखल करण्यात आले आहेत. या प्रकरणी अधिक तपास सुरू आहे.
वाहतूक कोंडीने भाजप नेत्याची ‘सटकली’! संतापून पाडल्या दुचाकी; पिंपरीतील प्रकार ‘व्हायरल’
निलंबितही केले
या प्रकरणात उमरखेड पोलिसांनी संदीप कदम याला अटक केल्याची गंभीर दखल एसटी प्रशासनाने घेतली आहे. या सर्व प्रकारामुळे राज्य परिवहन महामंडळाची प्रतिमा मलिन झाल्याचा ठपका ठेवत संदीपला सोमवारी निलंबित करण्यात आले.