दारूच्या नशेत पतीने पत्नीची गळा आवळून हत्या केल्याची संतापजनक घटना घडली आहे. ही धक्कादायक घटना वरणगाव परीसरातील आसरा माता मंदीरा जवळ सुसरी वेल्हाळे मार्गादरम्यान शनिवारी, २२ मार्च रोजी रात्री वेल्हाळे शिवारातील विटभट्टयांवर घडली. कौटुंबिक वादातून पती आणि पत्नी दोघांमध्ये भांडण झालं होतं. रागाच्या भरात त्याने पत्नीचा गळा आवळून हत्या केल्याची फिर्याद मृत महिलेच्या भावाने अजहर नियाजोद्दीन शेख यांनी वरणगाव पोलिसांत दिली आहे. या संतापजनक घटनेमुळे परीसरात एकच खळबळ उडाली आहे.
Crime News : लग्नाच्या चार महिन्यात डॉक्टर महिलेचा मृत्यू, हातावर इंजेक्शनच्या निशाणाने संशय वाढला; काय घडलं?
वरणगाव आणि परिसरातील सुसरी वेल्हाळे मार्गा नजिक बीड, उस्मानाबाद, परभणी या जिल्हयातील विट व्यवसायिकांनी विटांचे भट्टे सुरू केले आहेत. या भट्टयांवर इतर जिल्हयातील मजूर भट्टे मालकांनी आणले आहेत. त्यातील नियाजोद्दीन मनसुर शेख यांचं एक मजूर कुटुंब या भट्टीवर गेल्या दोन वर्षांपासून मजुरी करत आहे. यांच्यासोबत मुलगी सना अजीज शेख आणि जावाई अजीज शेख सुद्धा आहेत. मात्र जावाई अजीजला दारूचं व्यसन असून तो नेहमी दारू पिऊन मुलगी सनासोबत भांडण करायचा.
Ratnagiri News : कामासाठी घरातून निघाले ते परतलेच नाहीत, कार नदीपात्रात कोसळली आणि भयंकर घडलं; संपूर्ण गाव हळहळलं
शनिवारी, २२ मार्च रोजी देखील रात्री दारू पिऊन आल्यानंतर दोघा पती – पत्नीमध्ये भांडण झालं. त्यावेळी पती अजीज शेख याने पत्नी सना शेख हिचा गळा आवळून हत्त्या केल्याचं मयत सना शेखचा भाऊ अझर नियाजोद्दीन शेख याने फिर्यादीत म्हटलं आहे.

दोघांचा संसार सुरू होता. पण नवऱ्याला दारूचं व्यसन होतं. दारूमुळे दोघांमध्ये वारंवार भांडणं होती. त्या रात्री कौटुंबिक वादातून दोघांमध्ये टोकाचं भांडण झालं. याच टोकाच्या भांडणातून नवऱ्याने बायकोची हत्या केली. आरोपी पतीने रागाच्या भरात पत्नीचा गळा जोरात आवळला. यादरम्यान पत्नीचा श्वास कोंडला गेला आणि तिचा जागीच मृत्यू झाला.

या घटनेची माहिती मिळाल्यानंतर वरणगाव पोलीस स्टेशनचे सपोनि जनार्दन खंडेराव यांनी तातडीने घटनास्थळी धाव घेतली. मृत सना शेखचा मृतदेह वैद्यकीय महाविद्यालयात शवविच्छेदनासाठी पाठवण्यात आला आहे. मात्र आरोपी पती घटनास्थळावरुन पसार झाला असून पोलिसांकडून त्याचा शोध सुरू आहे.