जनार्दन हंबर्डीकर असे या चालकाचे नाव आहे. त्यानेच हा सर्व प्रकार केल्याचे समोर येत आहे. गाडीचा चालक जनार्दनचा दिवाळीचा पगार त्याच्या मालकाने कापला होता. तसेच या गाडीतील काही कर्मचाऱ्यांनीदेखील त्याला त्रास दिला होता. त्यातील तिघांना त्याला मारायचे होते. मात्र या दुर्घटनेत निष्पाप चौघांचा हकनाक बळी गेला आहे.
पुरुषांना आठवड्याला दारुच्या २ बाटल्या फ्री द्या! विधानसभेत आमदाराची अजब मागणी
बुधवारी सकाळी १२ जणांना घेऊन वाहन चालक कामावर घेऊन निघाला होता. कंपनी अवघ्या काही मिनिटावर असताना गाडीला आग लागली आणि यात चौघांचा होरपळून मृत्यू झाला, तर आठ जण गंभीर जखमी झाले आहेत. जनार्दन हंबर्डीकर रचलेल्या कटाबद्दल पोलिसांनी सविस्तर माहिती दिली. ‘चालकानं घातपात घडवून आणला. त्यानं आपल्या कंपनीतून बेन्झिन सोल्युशन नावाचं केमिकल आणलं होतं. एक लीटर बेन्झिन सोल्युशन त्यानं आपल्या सीटखाली ठेवलं होतं. त्यासोबत प्रिंटींग कंपनीत वापरल्या जाणाऱ्या कापडाच्या चिंध्या ठेवल्या होत्या. त्यानंच वाहन पेटवून दिलं आण मग आग लागल्याचा बनाव रचला. त्यात ४ जणांचा मृत्यू झाला,’ अशी माहिती पोलीस अधिकारी विशाल गायकवाड यांनी दिली.

वाहन पेटवून दिल्यानंतर आरोपीनं स्वत:ला वाचवण्यासाठी बाहेर उडी टाकली. त्यात तो जखमी झाला. त्याला ताब्यात घेण्याची प्रक्रिया सुरु आहे. आम्ही वाहनाची तपासणी केली. त्यात आम्हाला आगपेटी आणि जळालेल्या वस्तू सापडल्या. आरटीओनं तपासणी केली. त्यात शॉर्ट सर्किट झाल्याचे कोणतेच पुरावे सापडले नाही, अशी माहिती पोलिसांनी दिली.
प्रोटिन शेक पिऊन व्यायाम, चेंजिंग रुममध्ये जिम ट्रेनर मृतावस्थेत; PM रिपोर्टनंतरही गूढ कायम
हिंजवडीमध्ये बुधवारी सकाळी मोठी दुर्घटना घडली होती. कंपनीच्या कामगारांना घेऊन चाललेल्या टेम्पो ट्रॅव्हलरला सकाळी आठच्या सुमारास अचानक आग लागली. या घटनेत चार जणांचा मृत्यू झाला, तर सहा जण गंभीर जखमी झाले. जखमींपैकी चालकाची प्रकृती गंभीर आहे. बसमध्ये एकूण १२ कामगार होते. आगीच्या या घटनेचा धक्कादायक उलगडा झाल्याने सर्वांनाच धक्का बसला आहे. या प्रकरणी पोलिसांनी हत्या आणी हत्येचा प्रयत्न केल्याचा गुन्हा दाखल केला असून अधिक तपास पोलिसांकडून सुरु आहे.