१ एप्रिल २०१९ पूर्वी नोंदणी केलेल्या जुन्या वाहनांना ही पाटी बसवण्याकरिता ३ संस्थाची /उत्पादकांची परिवहन विभागामार्फत निवड केली आहे. तरी संबंधित वाहन मालकांनी याची नोंद घेऊन १ एप्रिल २०१९ पूर्वी नोंदणी असलेल्या वाहनांना उच्च सुरक्षा नोंदणी क्रमांक पाटी (HSRP) बसवण्यात यावी, असं आवाहन परिवहन विभागाच्यावतीने करण्यात आले आहे.

दरम्यान, १ एप्रिल २०१९ नंतर ज्या गाड्यांचे रजिस्ट्रेशन असेल, त्या वाहनांना नवीन नंबर प्लेट बसवायची गरज भासणार नाही.
HSRP Plate Rules : वाहनाची खरेदी २०१९ नंतरची तरी साधीच नंबरप्लेट दिली, डिलरकडून उडवाउडवी; अशा परिस्थितीत काय कराल?
दरम्यान, नव्या नंबरप्लेटबाबत अनेकांमध्ये अद्यापही संभ्रम आहे. राज्य सरकारवर या नव्या नियमावरुन काँग्रेस तसंच मनसेकडूनही टीका करण्यात आली. जनतेची लूट करण्याची एकही संधी भारतीय जनता पक्षाचे सरकार सोडत नाही. महागाईने आधीच त्रस्त असलेल्या जनतेवर आता या HSRP मुळे वाहनांच्या खिशाला कात्री बसणार आहे, असा आरोप काँग्रेसने केला आहे. वाहनांना लावण्यात येणाऱ्या हाय सिक्युरिटी नंबर प्लेटच्या नावाखाली नागरिकांकडून भरमसाठ शुल्क आकारलं जात असून महाराष्ट्रातील हे दर इतर राज्यांच्या तुलनेत दुपटीपेक्षा जास्त असल्याचा आरोप करत हे दर कमी करण्याची मागणी काँग्रेसने मुख्यमंत्र्यांकडे केली आहे.
HSRP Number Plate : हाय सेक्युरिटी नंबर प्लेट विरोधात मनसे आक्रमक, HSRP कशासाठी? मनसेचा सवाल; मुख्यमंत्र्यांना पत्र देत विरोध
दुसरीकडे हाय सिक्युरिटी नंबरप्लेटसाठी मनसेदेखील आक्रमक झाली असून HSRP नेमकं कशासाठी असा सवाल केला आहे. तसंच याबाबत मुख्यमंत्र्यांना पत्रही लिहिलं आहे.
HSRP नंबर प्लेटबाबत मोठी बातमी, जर ही एक गोष्ट केल्यास फिटमेंट शुल्क होणार माफ, जाणून घ्या

नंबर प्लेटसाठीचे शुल्क किती?

दुचाकी, ट्रॅक्टर – ४५०
तीनचाकी – ५००
चारचाकी व अन्य – ७४५ ते १२००
कमर्शियल वाहन : १५०० ते २०००