“तुम्ही जास्त वेळ खोटं लपवू शकत नाही. स्वत:चे वडील मुख्यमंत्री होते म्हणून तुम्ही राज्यभर फिरुन बलात्कार करत बसाल, महिलांवर अत्याचार करत बसाल, तुम्ही कुठल्या तोंडाने या सगळ्या गोष्टी करताय? आदित्य ठाकरेंनी तात्काळ राजीनामा दिला पाहिजे. हा फार गंभीर आरोप आहे. एका लोकप्रतिनिधीवर अशा पद्धतीचा आरोप होत असेल तर त्याने तात्काळ राजीनामा दिला पाहिजे आणि चौकशीला सामोरं गेलं पाहिजे. काही केलं नसेल तर चौकशीला सामोरं जा आणि लोकांना कळू द्या की, दूध का दूध आणि पाणी का पाणी”, असं नितेश राणे म्हणाले आहेत.
Jayant Patil : अजित दादांना टोला, मग एकनाथ शिंदे अ‍ॅडजस्ट झाले का? असा सवाल, फडणवीस म्हणाले…

मंत्री नितेश राणे यांचे गंभीर आरोप

“एक साधी मुलगी, जी आपलं स्वप्न पुर्ण करण्यासाठी मुंबईला आली होती, त्या मुलीची या लोकांनी सामूहिक बलात्कार करुन तिची हत्या केली, असा आरोप आता थेट तिच्या वडिलांनी केला आहे. आता आदित्य ठाकरे यांनी थोबाड उघडावं. सत्य सांगावं. सत्य सांगायची हिंमत करावी. आदित्य ठाकरेंनी तात्काळ आमदारकीचा राजीनामा दिला पाहिजे”, अशी मागणी नितेश राणे करतात.
जयंत पाटील यांनी जाहीरपणे एकनाथ शिंदेंची मागितली माफी, नंतर फडणवीसांना विचारला सवाल
“उद्धव ठाकरेंनी स्वत:च्या मुलाला वाचवण्यासाठी त्यांनी काय-काय केलं हे मी वारंवार सांगत आलेलो आहे. सीसीटीव्ही कॅमेरे कसे गायब केले, मस्टरची पाने कशी फाडली, वॉचमेनला कसं गायब केलं, झोमॅटोचा डिलिवरी बॉय कुठे गेला हे सर्व विषय मी पहिल्या दिवसापासून बोलत आलेलो. आता सत्य बाहेर येणार आहे. या गोऱ्या गोमटा चेहऱ्यामागे कोण मोठा बलात्कारी लपला आहे हे जनतेला कळणार आहे. हा विषय इथपर्यंत थांबणार नाही. पुढे जाऊन या केसमध्ये लहान मुलांचा काय रोल आहे हे पण टप्प्याटप्प्याने बाहेर येणार आहे. ही तर फक्त सुरुवात आहे”, असा मोठा इशारा नितेश राणे यांनी दिला.