यातुलनेत मागणी कमी असल्याने तूरडाळ आणि हरभरा डाळीच्या दरांत क्विंटलमागे दोनशे रुपयांनी घट झाली आहे. किरकोळ बाजारांत तूरडाळ १४० रुपये आणि हरभरा डाळ ९० रुपये प्रतिकिलो दराने विकली जात आहे. यंदा तूर, हरभरा डाळींसह सर्व कडधान्यांचे दर सातत्याने घसरत आहेत. तूर डाळ आणि हरभरा डाळीच्या दरांत क्विंटलमागे दोनशे रुपयांनी घट झाली आहे. आवक जास्त आणि मागणी कमी असल्याने हिरव्या वाटाण्याच्या दरात क्विंटलमागे पाचशे रुपयांनी घट झाली आहे.
Devendra Fadnavis: राज्यात लवकरच आर्थिक गुप्तचर शाखा; मुख्यमंत्री फडणवीसांची विधानसभेत घोषणा
पांढऱ्या वाटाण्याच्या दरांत क्विंटलमागे चारशे ते पाचशे रुपयांनी वाढ झाली आहे. अन्य सर्व डाळी आणि कडधान्यांचे दर स्थिर आहेत. उसाचे उत्पादन घटल्याने साखर कारखान्यातील गाळप बंद होत असून, उत्पादनात घट होत आहे. त्यामुळे साखरेचे दर सातत्याने वाढत आहेत. सध्या आवक साधारण असल्याने दरात बदल झालेला नाही. किरकोळ बाजारांत साखर ४४ ते ४५ रुपये प्रतिकिलो दराने विकली जात आहे. गूळ, गहू, ज्वारी, बाजरीसह अन्य जिनसांचे दर स्थिर असल्याचे व्यापाऱ्यांनी सांगितले. सर्वोत्तम मानल्या जाणाऱ्या मद्रास नारळाचे उत्पादन घटल्याने दरांत वाढ होत आहे.
दंगलीमागचा सूत्रधार शोधून काढू! पालकमंत्री बावनकुळेंची ग्वाही; जखमींची घेतली भेट
खोबरे जाड आणि चविष्ट असल्यामुळे या नारळास हॉटेल व्यावसायिकांकडून मागणी असते. मागील काही दिवसांत या नारळाच्या दरांत शेकड्यामागे आठशे ते एक हजार रुपयांची वाढ झाली आहे. सध्या घाऊक बाजारात मद्रास नारळाचा प्रतिशेकडा दर ४९०० ते ५१०० रुपये आहे. सापसोल या नारळाचा प्रतिशेकडा दर ४५००-५००० रुपयांपर्यंत वधारला आहे. होळी आणि आता गुढीपाडवा या सणानिमित्त नारळाला मागणी वाढली आहे.
शेतकरी कवटाळतोय मृत्यूला; यवतमाळमध्ये १०० दिवसांत ८८, तर २५ वर्षांत ‘इतक्या’ जणांनी संपवलं जीवन
घाऊक बाजारात आंध्र प्रदेश, कर्नाटक; तसेच तमिळनाडू येथून रोज सुमारे सात ते आठ ट्रक नारळाची आवक होत आहे. किरकोळ बाजारांत मद्रास नारळ ५० ते ५५ रुपये दराने विकला जात आहे. साधा नारळ ३० ते ३५ रुपयांना विकला जात आहे.