कोपरगाव तालुक्यातील रवंदे येथील आदिवासी समाजातील कुटुंबांना पाटबंधारे विभागाने अतिक्रमण हटवण्यासंदर्भात नोटीस दिली असून अगोदर या कुटुंबांचा पुनर्वासनाचा प्रश्न मार्गी लावावा नंतर अतिक्रमण काढावे या मागणीसाठी एकलव्य संघटनेच्या वतीने सोमवारी कोपरगाव तहसील कार्यालय येथे बिऱ्हाड आंदोलन करण्यात आले असून 40 कुटुंबातील महिला पुरुष आणि लहान मुले भर उन्हात तहसील कार्यालयाच्या समोर बसले आहे. दुपारच्या जेवणासाठी महिलांनी तहसील कार्यालयाच्या आवारात चुली पेटवून त्याच ठिकाणी भाकरी थापल्या आणि भाजी बनवत आंदोलनकर्त्यांना वाढण्यात आली.