रविवारी सकाळी साडेसहा वाजण्याच्या सुमारास ओंबळीमार्गे खेडला जाणाऱ्या खासगी बसची (क्रमांक एमएच 04 एलवाय 9199) धडक बसल्याने दुचाकीस्वार आणि त्याच्या मागील सीटवर बसलेल्या तरिणांचा जागीच मृत्यू झाल्याची माहिती मिळाली. त्यानंतर पोलादपूर पोलिसांनी घटनास्थळी धाव घेत दोन्ही तरुणांना अत्यवस्थ जखमी अवस्थेत पोलादपूर ग्रामीण रुग्णालयामध्ये दाखल केलं. मात्र तिथे दोघांनाही मृत घोषित करण्यात आलं.
Nagpur News : होळीचा सण साजरा केला अन् घरी जाताना कार दरीत कोसळली, बहीण-भावाची आयुष्यभरासाठी ताटातूट
राहुल श्रीरंग साळुंखे (वय २७) आणि सिध्देश गणेश सकपाळ (वय २३) अशी मृत तरुणांची नावं आहेत. रात्री ओंबळी येथे उशिरापर्यंत शिमग्याचे कार्यक्रम सुरू असताना पहाटेपर्यंत गाव जागं होतं. यामुळे मंदिरामध्ये प्रकाश व्यवस्था सुरू होती. हे दोघे सकाळी साडेसहा वाजण्याच्या सुमारास ओंबळी गावातून मंदिराच्या लाईट बंद करण्यासाठी युनिकॉर्न मोटारसायकलवरुन (एमएच 04 केएन 8221) जात असताना वळणावर त्यांच्या दुचाकीला समोरुन भरधाव वेगाने येणाऱ्या सुजाता या खासगी ट्रॅव्हल्स कंपनीच्या बसची धडक बसली. या घटनेनंतर ओंबळी गांवातील शिमगोत्सव तातडीने रद्द करण्यात आला असून सर्वत्र शोकाकूल वातावरण आहे.
Pune News : आनंदाचा क्षण दु:खात बुडाला, पुण्यातील तरुणांसोबत महाबळेश्वरमध्ये अनर्थ घडला; दोघांचा दुर्दैवी मृत्यू
दुपारी पोलादपूर ग्रामीण रुग्णालयातून शवविच्छेदनानंतर कुटुंबीयांकडे मृतदेह देण्यात आले. त्यानंतर ओंबळी गावी रवाना होऊन अंत्यसंस्कार करण्यात आले. पोलादपूर पोलीस ठाण्यात या अपघात प्रकरणी लक्झरी बस चालक प्रेमचंद महात्ता चौधरी (वय ५० वर्षे, ऐरोली, नवी मुंबई) याच्याविरूध्द गुन्हा दाखल करण्यात आला असून पोलीस उपनिरिक्षक महाडीक हे अधिक तपास करत आहेत.

दरम्यान, पोलादपूर ते खेड दरम्यान कशेडी घाटाला पर्यायी भुयारी मार्ग सुरू झाले असताना देखील ओंबळीमार्गे खासगी प्रवासी वाहतूक करणाऱ्या ट्रॅव्हल कंपनीच्या बसने या अरूंद रस्त्यावरून खेडकडे जाण्याचा मार्ग का निवडला याबाबतदेखील साशंकता व्यक्त होत आहे.