Jayant Patil Baramati Visit- जयंत पाटील यांनी अलीकडेच केलेल्या विधानामुळे ते नाराज असल्याची चर्चा रंगली होती. आज ते बारामती दौऱ्यावर असून त्या विधानावर त्यांनी प्रतिक्रिया दिली आहे.
आम्ही सर्व एका कुटुंबातील आहोत
मंत्री विखे पाटलांनी एक विधान केलं होतं की शरद पवारांनी जयंत पाटलांच्या नाराजीबाबत सतर्क राहिले पाहिजे. असं वक्तव्य केलं होतं यावर बोलताना पाटील म्हणाले की, आम्ही सर्व एका कुटुंबातील आहोत. आम्ही एकमेकांना इशारे देत बसत नाही. पवार साहेबांच्या नेतृत्वातला जो आमचा पक्ष आहे. आज आमचा पराभव झाला आहे. कदाचित निवडून आलेल्यांची संख्या कमी जरी असली तरी महाराष्ट्रात पवार साहेबांसारखी व त्यांच्यावर प्रेम असणारी लाखो लोक आहेत. त्यांचा तो पक्ष आहे. आम्ही सर्वजण पक्षाच्या हिताचे निर्णय घेतो. एकट्याने इकडे जाणे तिकडे जाणे. हा विषय आम्ही कोणी चर्चेला घेऊ शकत नाही. असेही पाटील यावेळी म्हणाले.
राष्ट्रवादी प्रदेशाध्यक्ष जयंत पाटील आज बारामतीच्या दौऱ्यावर होते. त्यांनी शरद पवार, सुप्रिया सुळे यांच्यासोबत कृषी विज्ञान केंद्रातील विविध प्रयोगांची माहिती घेतली.