Per Capita Income Nashik: २०२२-२३ या आर्थिक वर्षात दरडोई उत्पन्नात नवव्या क्रमांकावर असलेल्या नाशिक जिल्ह्याचे स्थान २०२३-२४ मध्ये दहाव्या क्रमांकावर घसरले आहे.
राज्याच्या आर्थिक पाहणी (२०२४-२०२५) अहवालातून ही आकडेवारी पुढे आली आहे. एखाद्या प्रदेशाचे सरासरी उत्पन्न भागिले त्या प्रदेशाची लोकसंख्या म्हणजे दरडोई उत्पन्न होय. नाशिक जिल्ह्याचे दरडोई उत्पन्न २०२०-२१ मध्ये १ लाख ७३ हजार ३६२, २०२१-२२ मध्ये २ लाख ८८२ रुपये, तर २०२२-२३ मध्ये २ लाख २९ हजार ३५६ रुपये होते. ते २०२३-२४ मध्ये २ लाख ४९ हजार रुपयांवर पोहोचले. म्हणजे गेल्या चार वर्षांत नाशिककरांच्या दरडोई उत्पन्नात ७५ हजार ६३८ रुपयांनी वाढ झाली आहे. २०२२-२३ च्या अहवालानुसार जिल्ह्याचे वार्षिक दरडोई उत्पन्न २ लाख २९ हजार ३५६ रुपये होते. ते २०२३-२४ मध्ये २ लाख ४९ हजारांवर पोहोचले. त्यानुसार नाशिककरांचे सरासरी मासिक उत्पन्न २० हजार ७५०, तर रोजचे सरासरी उत्पन्न ६९२ रुपये असल्याचे दिसते.
आम्हाला एक खून माफ करा; रोहिणी खडसेंची राष्ट्रपतींकडे अजब मागणी, नेमकं काय म्हणाल्या त्या? पाहा VIDEO
राज्यात सर्वाधिक वार्षिक दरडोई उत्पन्न मुंबईचे असून, सर्वांत कमी नंदुरबार जिल्ह्याचे (१ लाख २९ हजार १४६) आहे. राज्यात नाशिकची नवव्या स्थानावरून दहाव्या स्थानावर घसरण झाली आहे. नंदुरबार जिल्हा राज्यात शेवटच्या स्थानी आल्याचे अहवालातून समोर आले आहे.
Vijay Wadettiwar: बेईमान भावांना तू माफ करशील का? विजय वडेट्टीवार यांचे लाडक्या बहिणींना खुले पत्र
जिल्ह्यातील उद्योग, व्यापार, लोकसंख्या यांचा अभ्यास करून दरडोई उत्पन्न काढले जाते. जन्मदर, मृत्युदर, स्थलांतर यांच्या आधारे जागतिक लोकसंख्या शास्त्रानुसार ‘प्रक्षेपित लोकसंख्या’ काढली जाते. हा आकडा बऱ्यापैकी अचूक असतो. दरडोई उत्पन्नातील वाढही प्रत्यक्षातील आहे. या एका आकड्यामागे वर्षभराचा अभ्यास असतो. -अमोल खंदारे, अपर संचालक, सांख्यिकी विभाग
सर्वाधिक वार्षिक दरडोई उत्पन्न (रुपयांत)
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा